Kerala
ഇബ്റാഹിം കുഞ്ഞിന്റെ മെഡിക്കല്‍ പരിശോധന പൂര്‍ത്തിയായി
കൊച്ചി | പാലാരിവട്ടം പാലം അഴിമതിക്കേസില്‍ അറസ്റ്റിലായി ജുഡീഷ്യല്‍ കസ്റ്റഡിയില്‍ ആശുപത്രിയില്‍ കഴിയുന്ന മുന്‍ മന്ത്രി വി കെ ഇബ്റാഹിം കുഞ്ഞിന്റെ ആരോഗ്യനില പ്രത്യേക മെഡിക്കല്‍ സംഘം പരിശോധിച്ചു. എറണാകുളം ജില്ലാ മെഡിക്കല്‍ ഓഫീസര്‍ നിയോഗിച്ച, ജനറല്‍ ആശുപത്രി സൂപ്രണ്ട് ഡോ. അനിതയുടെ നേതൃത്വത്തിലുള്ള പ്രത്യേക മെഡിക്കല്‍ ബോര്‍ഡാണ് ലേക് ഷോര്‍ ആശുപത്രിയിലെത്തി പരിശോധന നടത്തിയത്. പരിശോധന രണ്ടര മണിക്കൂര്‍ നീണ്ടു. ഇബ്റാഹിം കുഞ്ഞിനെ ചികിത്സിക്കുന്ന ഡോക്ടര്‍മാരുമായും സംഘം കൂടിക്കാഴ്ച നടത്തി. മെഡിക്കല്‍ ബോര്‍ഡ് യോഗം ചേര്‍ന്ന് ചൊവ്വാഴ്ചക്കകം കോടതിയില്‍ റിപ്പോര്‍ട്ട് സമര്‍പ്പിക്കുമെന്ന് ഡോ. അനിത പറഞ്ഞു.
ഇബ്റാഹിം കുഞ്ഞിന്റെ മാനസിക, ശാരീരിക ആരോഗ്യ നിലപരിശോധിക്കാന്‍ ജില്ലാ മെഡിക്കല്‍ ഓഫീസര്‍ക്ക് മൂവാറ്റുപുഴ വിജിലന്‍സ് കോടതി കഴിഞ്ഞ ദിവസം നിര്‍ദേശം ആറംഗ മെഡിക്കല്‍ ബോര്‍ഡ് രൂപവത്ക്കരിച്ചത്. ഈമാസം 24ന് ചൊവ്വാഴ്ച രാവിലെ 11 ന് മുമ്പ് മെഡിക്കല്‍ റിപ്പോര്‍ട്ട് നല്‍കാനാണ് കോടതി നിര്‍ദേശിച്ചിട്ടുള്ളത്. റിപ്പോര്‍ട്ടിന്റെ അടിസ്ഥാനത്തിലാണ് ഇബ്റാഹിം കുഞ്ഞിന്റെ ജാമ്യാപേക്ഷയും വിജിലന്‍സിന്റെ കസ്റ്റഡി അപേക്ഷയും കോടതി പരിഗണിക്കുക.
Latest
കേരളം ഇന്ന് പോളിങ് ബൂത്തിലേക്ക്; വോട്ടെടുപ്പ് രാവിലെ ഏഴ് മുതല്
ബെംഗളൂരു ജയിച്ചു
ഇ കെ നേതൃത്വത്തിന്റെ നിര്‍ദേശം ലംഘിച്ച് ബഹാഉദ്ദീന് നദ്വി
മാലിന്യമുക്ത തിരഞ്ഞെടുപ്പ് പ്രാവര്ത്തികമാക്കാന് കേരളം
പുഴയിലെ മലിന ജലത്തില് മുങ്ങിക്കുളിച്ച് സ്ഥാനാര്ഥി
സൈക്കിൾ കോട്ട തിരിച്ചുപിടിക്കുക ദൗത്യം
