National

പാക് അതിര്‍ത്തി കടന്നെത്തിയ രണ്ട് ഡ്രോണുകള്‍ സുരക്ഷാ സേന വെടിവെച്ചിട്ടു

Published

Nov 21, 2020 6:17 am |

Last Updated

Nov 21, 2020 6:17 am

ശ്രീനഗര്‍ | അതിര്‍ത്തി ലംഘിച്ചെത്തിയ രണ്ടു ഡ്രോണുകള്‍ ബിഎസ്എഫ് ജവാന്മാര്‍ വെടിവച്ചിട്ടു. ജമ്മു കശ്മീരിലെ സാംബയില്‍ വെള്ളിയാഴ്ച വൈകുന്നേരം ആറിനാണ് സംഭവം.

ഇന്ത്യന്‍ അതിര്‍ത്തിയിലേക്ക് പറന്നെത്തിയ ഡ്രോണുകള്‍ പട്രോളിംഗ് നടത്തുകയായിരുന്ന ബിഎസ്എഫ് വെടിവച്ചിടുകയായിരുന്നു.

നാഗ്രോട്ട പ്രദേശത്തെ ടോള്‍ പ്ലാസയ്ക്ക് സമീപം ഭീകരരും സുരക്ഷാസേനയും തമ്മില്‍ ഏറ്റുമുട്ടല്‍ നടന്നതിനു പിന്നാലെയാണ് പാക് അതിര്‍ത്തി കടന്ന് ഡ്രോണുകള്‍ എത്തിയത്.