Oddnews
ലോകത്തെ ഏറ്റവും നീളം കൂടിയ കൗമാരക്കാരനെ അറിയാം
ബീജിംഗ് | ലോകത്തെ ഏറ്റവും നീളം കൂടിയ ആണ്കുട്ടിയായി ചൈനയില് നിന്നുള്ള 14കാരന്. ചൈനയിലെ തെക്കുപടിഞ്ഞാറന് പ്രവിശ്യയായ സിചുവാനിലെ ലേഷന് നഗരത്തിലെ ജൂനിയര് ഹൈസ്കൂള് വിദ്യാര്ഥിയായ റെന് കേയു ആണ് ഈ നീളക്കാരന്.
ലോകത്തെ ഏറ്റവും നീളം കൂടിയ ആണ്കുട്ടിയായി റെന് ഗിന്നസ് റെക്കോര്ഡില് ഇടം പിടിച്ചിട്ടുണ്ട്. ഒക്ടോബറിലാണ് ഗിന്നസ് അധികൃതര് റെനിനെ അളന്നത്. 221.03 സെന്റി മീറ്റര് ആണ് ഈ കൗമാരക്കാരന്റെ നീളം.
അതിനാല് 18 വയസ്സിന് താഴെയുള്ളവരുടെ വിഭാഗത്തില് ഉയരം കൂടിയ ആണ്കുട്ടി എന്ന റെക്കോര്ഡിന് അര്ഹനായിരിക്കുകയാണ് റെന്. ഉയരക്കൂടുതല് കാരണം സ്കൂളില് പ്രത്യേക ഇരിപ്പിടം തയ്യാറാക്കിയിട്ടുണ്ട്. ആദ്യമായി സ്കൂളില് പോയപ്പോള് അധ്യാപകനായാണ് സഹപാഠികള് തന്നെ കണ്ടതെന്നും പറയുന്നു റെന്.
---- facebook comment plugin here -----