Kerala
രാഷ്ട്രീയ നേതാക്കളുടെ പേര് പറയാന് നിര്ബന്ധിക്കുന്നു; ഇ ഡിക്കെതിരെ ശിവശങ്കര്
കൊച്ചി | സ്വര്ണക്കടത്ത് കേസുമായി ബന്ധപ്പെട്ടുള്ള സമ്പത്തിക കുറ്റകൃത്യം അന്വേഷിക്കുന്ന എന്ഫോഴ്സ്മെന്റ് ഡയറക്ടറേറ്റിനെതിരെ ഗുരതര ആരോപണവുമായി മുന് പ്രിന്സിപ്പല് എം ശിവശങ്കര് കോടതിയില്. കുറ്റകൃത്യങ്ങളില് തനിക്ക് ഒരു പങ്കുമില്ല. ചിലരുടെ രാഷ്ട്രീയ ലക്ഷ്യങ്ങളുടെ ഇരയാണ് താനെന്ന് എറണാകുളം പ്രിന്സിപ്പല് സെഷന്സ് കോടതിയില് നല്കിയ വിശദീകരണ പത്രികയില് ശിവശങ്കര് പറഞ്ഞു. രാഷ്ട്രീയ നേതാക്കളുടെ പേര് പറയാത്തത് കൊണ്ടാണ് തന്നെ അറസ്റ്റ് ചെയ്തത്. സ്വര്ണക്കടത്ത്, ലൈഫ്മിഷന് തുടങ്ങിയ കേസുകളില് രാഷ്ട്രീയ നേതാക്കളുടെ പേര് പറയാന് തന്റെ മേല് എന്ഫോഴ്സ്മെന്റ് ഡയറക്ടറേറ്റ് സമ്മര്ദം ചെലുത്തുകയാണ്. ഇതിന് താന് വഴങ്ങിയിട്ടില്ല. ഇതേ തുടര്ന്നാണ് അറസ്റ്റ് ചെയ്തതെന്നും ശിവശങ്കര് പറയുന്നു.
സ്വപ്നയും തന്റെ ചാര്ട്ടേര്ഡ് അക്കൗണ്ടന്റായ വേണുഗോപാലും തമ്മിലുള്ള വാട്സാപ്പ് സന്ദേശത്തിന്റെ പൂര്ണരൂപവും ശിവശങ്കര് രേഖമൂലം കോടതിയില് സമര്പ്പിച്ചിട്ടുണ്ട്. ഈ വാട്സാപ്പ് സന്ദേശങ്ങള് പരിശോധിക്കണം. താന് ഒരു കസ്റ്റംസ് ഓഫീസറേയും സ്വര്ണക്കടത്തിന് വേണ്ടി വിളിച്ചിട്ടില്ലെന്നും അദ്ദേഹം പറഞ്ഞു.