യെദ്യൂരപ്പ-കുമാരസ്വാമി കൂടിക്കാഴ്ച; അഭ്യൂഹങ്ങള്‍ ശക്തം

ബെംഗളൂരു | കര്‍ണാടകയില്‍ മുഖ്യമന്ത്രി ബി എസ് യെദ്യൂരപ്പയുമായി ജെ ഡി എസ് നേതാവും മുന്‍ മുഖ്യമന്ത്രിയുമായ എച്ച് ഡി കുമാരസ്വാമി കൂടിക്കാഴ്ച നടത്തിയത് അഭ്യൂഹങ്ങള്‍ക്കിടയാക്കി. മന്ത്രിസഭാ വികസനവുമായി ബന്ധപ്പെട്ട് ബി ജെപിയില്‍ അഭിപ്രായ ഭിന്നത മൂര്‍ച്ഛിച്ചതിനിടെയാണ് മുഖ്യമന്ത്രിയുടെ ഓഫീസില്‍ വച്ച് ഇരു നേതാക്കളും തമ്മില്‍ കണ്ട് ചര്‍ച്ച നടത്തിയത്. ജെ ഡി എസ് എം എല്‍ എ. സി എസ് പുട്ടരാജും കുമാരസ്വാമിക്കൊപ്പമുണ്ടായിരുന്നു. ജെ ഡി എസ് എം എല്‍ എമാര്‍ പ്രതിനിധീകരിക്കുന്ന മണ്ഡലങ്ങളിലെ വികസന പ്രവര്‍ത്തനങ്ങളെക്കുറിച്ചാണ് സംസാരിച്ചതെന്നാണ് ഔദ്യോഗിക വിശദീകരണം.

കഴിഞ്ഞ സെപ്തംബര്‍ 11 നും യെദ്യൂരപ്പയും കുമാരസ്വാമിയും തമ്മില്‍ കൂടിക്കാഴ്ച നടത്തിയിരുന്നു.