മുഖ്യമന്ത്രി സ്ഥാനത്തിന് അവകാശവാദം ഉന്നയിച്ചിട്ടില്ല, തീരുമാനമെടുക്കുക എന്‍ ഡി എ: നിതീഷ് കുമാര്‍

പാട്ന | മുഖ്യമന്ത്രി സ്ഥാനം തനിക്കു തന്നെ വേണമെന്ന് അവകാശവാദമൊന്നും ഉന്നയിച്ചിട്ടില്ലെന്ന് ജെ ഡി യു അധ്യക്ഷന്‍നിതീഷ് കുമാര്‍. ബിഹാറില്‍ ആര് മുഖ്യമന്ത്രിയാകുമെന്ന മാധ്യമ പ്രവര്‍ത്തകരുടെ ചോദ്യത്തോട് പ്രതികരിക്കുകയായിരുന്നു അദ്ദേഹം. മുഖ്യമന്ത്രി ആരാകണമെന്ന കാര്യത്തില്‍ എന്‍ ഡി എയാണ് തീരുമാനമെടുക്കുക. ജനവിധി എന്‍ ഡി എക്ക് അനുകൂലമാണ്. അതുകൊണ്ടുതന്നെ എന്‍ ഡി എ സര്‍ക്കാര്‍ രൂപവത്ക്കരിക്കുമെന്നും നിതീഷ് പറഞ്ഞു. എന്നാല്‍, അടുത്താഴ്ച നിതീഷ് കുമാര്‍ തുടര്‍ച്ചയായി നാലാം തവണ മുഖ്യമന്ത്രിയായി സത്യപ്രതിജ്ഞ ചെയ്യുമെന്നാണ് ജെ ഡി യു വൃത്തങ്ങളില്‍ നിന്ന് ലഭിക്കുന്ന സൂചന.

സീറ്റിന്റെ എണ്ണത്തില്‍ ആര്‍ ജെ ഡിക്കും ബി ജെ പിക്കും പിന്നിലാണ് ജെ ഡി യു എങ്കിലും നിതീഷ് തന്നെ മുഖ്യമന്ത്രിയാകട്ടെ എന്ന നിലപാടിലാണ് ബി ജെ പി ദേശീയ നേതൃത്വം.