Kerala
കൊവിഡ് നിരീക്ഷണ കേന്ദ്രത്തില്‍ തടവുകാര്‍ക്ക് മര്‍ദനം; സൂപ്രണ്ടിനെ സസ്‌പെന്‍ഡ് ചെയ്തു
തൃശൂര്‍ | കൊവിഡ് നിരീക്ഷണത്തിനായി തൃശൂരിലെ അമ്പിളിക്കല ഹോസ്റ്റലില്‍ പാര്‍പ്പിച്ചിരുന്ന റിമാന്‍ഡ് തടവുകാര്‍ക്ക് മര്‍ദനമേറ്റ സംഭവത്തില്‍ സൂപ്രണ്ട് രാജു എബ്രഹാമിനെ സസ്‌പെന്‍ഡ് ചെയ്തു. അമ്പിളിക്കല കൊവിഡ് കേന്ദ്രം അധികൃതര്‍ അടച്ചുപൂട്ടുകയും ചെയ്തിട്ടുണ്ട്. ജില്ലാ ജയില്‍ അസിസ്റ്റന്റ് സൂപ്രണ്ടിനെ നേരത്തെ സസ്‌പെന്‍ഡ് ചെയ്തിരുന്നു.
തേഞ്ഞിപ്പലം സ്വദേശി ഷാഫിയുടെ പരാതിയില്‍ അന്വേഷണം നടത്തിയപ്പോഴാണ് കേന്ദ്രത്തില്‍ ക്രൂരമര്‍ദനം നടന്നതായി പോലീസിന് വ്യക്തമായത്. മര്‍ദനമേറ്റ് അവശനിലയില്‍ ജില്ലാ ജനറല്‍ ആശുപത്രിയില്‍ പ്രവേശിപ്പിക്കപ്പെട്ട ഷാഫി ഡോക്ടര്‍ക്ക് നല്‍കിയ മൊഴിയുടെ അടിസ്ഥാനത്തില്‍ കേന്ദ്രത്തിലെ രണ്ട് ജയില്‍ ജീവനക്കാര്‍ക്കെതിരെ ഈസ്റ്റ് പോലീസ് കേസെടുത്തിരുന്നു.
ഷാഫി പരാതിപ്പെട്ട അതേ ദിവസം ഷെമീര്‍ എന്ന തടവുകാരനെ അവശനിലയില്‍ മെഡിക്കല്‍ കോളജില്‍ പ്രവേശിപ്പിച്ചിരുന്നു. ഇയാള്‍ പിന്നീട് മരിച്ചു. തടവുകാര്‍ക്ക് മര്‍ദനമേറ്റ സംഭവത്തില്‍ സെപ്തംബര്‍ 28 മുതല്‍ ഒക്ടോബര്‍ ഒന്നുവരെ ഡ്യൂട്ടിയിലുണ്ടായിരുന്ന ജയില്‍ ജീവനക്കാരുടെ പേരില്‍ കേസ് ചാര്‍ജ് ചെയ്തിട്ടുണ്ട്.
Latest
മാസപ്പടി കേസ്; മുഖ്യമന്ത്രിക്കും മകള്‍ക്കുമെതിരായ ഹരജിയില്‍ വിധി ഇന്ന്
മോഷണക്കേസില്‍ ജയിലിലായി; നിരപരാധിത്വം തെളിഞ്ഞതിന് പിന്നാലെ യുവാവ് ജീവനൊടുക്കിയ നിലയില്‍
സംസ്ഥാനത്ത് മൂന്ന് ദിവസം ഇടിമിന്നലോട് കൂടിയ മഴക്ക് സാധ്യത; ഇന്ന് മൂന്ന് ജില്ലകളില്‍ യെല്ലോ അലര്‍ട്ട്
ലോക്‌സഭാ തിരഞ്ഞെടുപ്പ്; ആദ്യഘട്ട വോട്ടെടുപ്പ് തുടങ്ങി
ഓ അശുതോഷ്...! മുംബൈക്ക് ഒന്പത് റൺസ് ജയം
ന്യൂനപക്ഷ സമുദായങ്ങളുടെ ആരാധനാലയങ്ങള്‍ ആക്രമിക്കുന്നത് അപലപനീയം: കാന്തപുരം തെലങ്കാന മുഖ്യമന്ത്രിക്ക് കത്തയച്ചു
