Gulf
കുവൈത്ത് അമീറിനോട് ആദര സൂചകമായി മൗനാചരണം
കുവൈത്ത് സിറ്റി | അന്തരിച്ച കുവൈത്ത് അമീര്‍ ശൈഖ് സബാഹ് അല്‍ അഹ്മദ് അല്‍ സബാഹിനോടുള്ള ആദരസൂചകമായി കുവൈത്തിലെ ഇന്ത്യന്‍ സമൂഹം മൗനം ആചരിക്കുന്നു. ഒക്ടോബര്‍ നാലിന് ഇന്ത്യ പ്രഖ്യാപിച്ച ദേശീയ ദുഃഖാചരണത്തിന്റെ ഭാഗമായാണ് അന്നേ ദിവസം രാവിലെ 11 മണിക്ക് കുവൈത്തിലെ മുഴുവന്‍ ഇന്ത്യക്കാരും രണ്ടു മിനിറ്റ് മൗനാചരണം നടത്തണമെന്ന് ഇന്ത്യന്‍ എംബസി പ്രത്യേക അറിയിപ്പില്‍ ആവശ്യപ്പെട്ടിരിക്കുന്നത്.
ലോകത്തെ എല്ലാ ഇന്ത്യന്‍ എംബസികളും കോണ്‍സുലേറ്റുകളും ഹൈക്കമ്മീഷനുകളും ദേശീയ ദുഃഖാചരണത്തില്‍ പങ്കെടുക്കും എന്ന് നേരത്തേ തന്നെ ഇന്ത്യാ ഗവണ്‍മെന്റ് വ്യക്തമാക്കിയതാണ്. നയതന്ത്ര കാര്യാലയങ്ങളിലും വിദേശത്ത്‌ പ്രവർത്തിക്കുന്ന മുഴുവൻ ഇന്ത്യൻ പൊതു മേഖലാ സ്ഥാപനങ്ങളിലും ദേശീയ പതാകകള്‍ താഴ്ത്തിക്കെട്ടും. അന്നത്തെ എല്ലാ ഔദ്യോഗിക പരിപാടികളും റദ്ദാക്കിയിട്ടുണ്ട്‌. ഒക്ടോബര്‍ നാലിന് കുവൈത്തിലെ ഇന്ത്യൻ എംബസിയിലും ദേശീയ പതാക താഴ്ത്തികെട്ടും.
അതേസമയം, തങ്ങളുടെ ഇഷ്ട ഭരണാധികാരിയുടെ ഖബര്‍ സിയാറത്തിന് വേണ്ടി നൂറുകണക്കിന് ആളുകളാണ് എത്തിക്കൊണ്ടിരിക്കുന്നത്. സുലൈബി ഖാത്തിലെ ഖബര്‍സ്ഥാനില്‍ എത്തി ഖുര്‍ആന്‍ പാരായണവും ദിക്റ് ദുആ നടത്തുന്നവരിലും സ്വദേശികളെയും വിവിധ രാജ്യങ്ങളിലെ വിദേശികളെയും കാണാം. പലരും ദുഃഖം സഹിക്കവയ്യാതെ വിങ്ങി പൊട്ടുകയാണ്. സന്ദര്‍ശക തിരക്കു കാരണം ഖബര്‍സ്ഥാനിലെ വഴിയില്‍ പച്ച പരവതാനി വിരിച്ചിട്ടുണ്ട്.
Latest
Kerala
കോഴിക്കോട്ട് പുതിയങ്ങാടിയില്‍ ബൈക്കില്‍ കാറിടിച്ച് ബൈക്ക് യാത്രക്കാരന്‍ മരിച്ചു
Kerala
അടുത്ത അഞ്ചു ദിവസം കാറ്റും മഴയും
National
അഹമ്മദാബാദ് വിമാന ദുരന്തത്തിനു കാരണം ഇന്ധന നിയന്ത്രണ സ്വിച്ച് ഓഫ് ആയതെന്ന് പ്രാഥമിക അന്വേഷണ റിപ്പോര്‍ട്ട്
Kerala
പാര്‍ട്ടിക്കുമേലെ വളരാന്‍ ശ്രമിക്കുന്ന വി ടി ബല്‍റാമിനെ പിടിച്ചു പുറത്താക്കണമെന്ന് ആവശ്യം
Kerala
മഴ നനയാതിരിക്കാന്‍ ടിപ്പര്‍ ലോറിക്കു സമീപം നിന്ന യുവാവ് അപകടത്തില്‍ മരിച്ചു
Kerala
ഓണ്‍ലൈന്‍ വഴി മയക്കുമരുന്നു വില്‍പ്പന നടത്തുന്ന യുവാവും യുവതിയും പിടിയില്‍
Kerala