Techno
ഗൂഗ്ള്‍ മീറ്റിന്റെ സൗജന്യ ഉപയോഗം 60 മിനുട്ടാക്കി ചുരുക്കുന്നു
ന്യൂയോര്‍ക്ക് | ടെക് ഭീമനായ ഗൂഗ്ളിന്റെ വീഡിയോ ചാറ്റ് പ്ലാറ്റ്‌ഫോമായ ഗൂഗ്ള്‍ മീറ്റിന്റെ സമയം 60 മിനുട്ടാക്കി ചുരുക്കുന്നു. സൗജന്യമായി ഉപയോഗിക്കുന്ന പ്ലാനുകളിലാണ് സമയം ചുരുക്കുന്നത്. സെപ്തംബര്‍ 30ന് ശേഷമാണ് ഇത് പ്രാബല്യത്തില്‍ വരിക.
നിലവില്‍ സമയ പരിധിയില്ലാതെ നൂറ് പേരെ വരെ ഉള്‍പ്പെടുത്തി ഓണ്‍ലൈന്‍ മീറ്റിംഗുകള്‍ ഗൂഗ്ള്‍ മീറ്റില്‍ നടത്താം. ജി സ്യൂട്ട്, ജി സ്യൂട്ട് ഫോര്‍ എജുക്കേഷന്‍ എന്നിവയില്‍ 250 പേരെ പങ്കെടുപ്പിച്ചുള്ള മീറ്റിംഗുകള്‍ ഉള്‍പ്പെടെയുള്ള നൂതന സവിശേഷതകള്‍ സെപ്തംബര്‍ 30ന് ശേഷം സൗജന്യമായി ഉപയോഗിക്കാനാകില്ല.
ഒരു ലക്ഷം വരെയുള്ളവരിലേക്കെത്തുന്ന ലൈവ് സ്ട്രീമുകള്‍, മീറ്റിംഗ് റെക്കോര്‍ഡുകള്‍ ഗൂഗ്ള്‍ ഡ്രൈവില്‍ സേവ് ചെയ്യുക തുടങ്ങിയ സവിശേഷതകളും ഇനി സൗജന്യമായിരിക്കില്ല. ജി സ്യൂട്ടുമായി എന്റര്‍പ്രൈസ് എന്ന കരാറിലുള്ള ഉപഭോക്താക്കള്‍ക്ക് ആണ് സാധാരണ ഈ സവിശേഷതകള്‍ ലഭിക്കുക. മാസം 25 ഡോളര്‍ (ഏകദേശം 1800 രൂപ) ആണ് ചെലവ് വരിക. കൊവിഡ് കാലത്ത് യോഗങ്ങളും മറ്റും ഓണ്‍ലൈനിലേക്ക് മാറിയതോടെ സൂം ആപ്പിന് വന്‍ സ്വീകാര്യത ലഭിച്ചതോടെയാണ് ഗൂഗ്ള്‍ മീറ്റുമായി ഗൂഗ്ള്‍ രംഗത്തെത്തിയത്.
Latest
അട്ടപ്പാടിയില്‍ വീടിന്റെ ഭിത്തി തകര്‍ന്ന് സഹോദരങ്ങള്‍ മരിച്ചു
പോപ്പുലര്‍ ഫ്രണ്ടിന്റെ കേരളത്തിലെ 67 കോടിയുടെ സ്വത്തുക്കള്‍ ഇ ഡി കണ്ടുകെട്ടി
ഹൈക്കോടതി ഉത്തരവ് മറികടന്ന് ഗുരുവായൂരില്‍ റീല്‍സ് ചിത്രീകരണം; ജസ്‌ന സലീമിനെതിരെ കേസ്
ബിഹാറില്‍ നടുറോഡില്‍ വിവിപാറ്റ് സ്ലിപ്പുകള്‍ ഉപേക്ഷിക്കപ്പെട്ട നിലയില്‍; നടപടിയുണ്ടാകുമെന്ന് തിരഞ്ഞെടുപ്പ് കമ്മീഷന്‍
രസംകൊല്ലിയായി മഴ: ഇന്ത്യ ഓസ്‌ട്രേലിയ ടി20 മത്സരം ഉപേക്ഷിച്ചു, പരമ്പര ഇന്ത്യക്ക്
കൊച്ചി കോര്‍പറേഷനിലെ യുഡിഎഫ് കൗണ്‍സിലര്‍ ബിജെപിയില്‍
