Kerala
പെരിയ ഇരട്ടക്കൊലക്കേസ്: സിബിഐ അന്വേഷണത്തിനെതിരെ സംസ്ഥാന സര്ക്കാര് സുപ്രീം കോടതിയില്
ന്യൂഡല്ഹി | പെരിയ ഇരട്ടക്കൊലക്കേസില് അന്വേഷണം സി ബിഐക്കു വിട്ടുകൊണ്ടുള്ള സിംഗിള് ബെഞ്ചിന്റെ ഉത്തരവിനെതിരേകേരള സര്ക്കാര് സുപ്രീം കോടതിയില് അപ്പീല് നല്കി. ഹൈകോടതി ഡിവിഷന് ബെഞ്ച് ഉത്തരവ് അടിയന്തിരമായി സ്റ്റേ ചെയ്യണമെന്ന്ആവശ്യപ്പെട്ടും കേരളം പ്രത്യേക അപേക്ഷ നല്കിയിട്ടുണ്ട്.
പെരിയ ഇരട്ട കൊലപാതകത്തെ സംബന്ധിച്ച് അന്വേഷണം നടത്തി സി ബി ഐ ഫയല് ചെയ്യുന്ന റിപ്പോര്ട്ടിനൊപ്പം ക്രൈംബ്രാഞ്ച് റിപ്പോര്ട്ടും പരിഗണിച്ച് വിചാരണ കോടതി തുടര് നടപടി സ്വീകരിക്കണം എന്നാണ് ഹൈകോടതി ചീഫ് ജസ്റ്റിസ് എസ് മണികുമാറും ജസ്റ്റിസ് സി ടി രവികുമാറും അടങ്ങിയ ഡിവിഷന് ബെഞ്ച് ഉത്തരവിട്ടിരുന്നത്. എന്നാല് ക്രൈം ബ്രാഞ്ച് കേസിലെ ഗൂഢാലോചന ഉള്പ്പടെ ഉള്ള വിഷയങ്ങള് അന്വേഷിച്ചിരുന്നു എന്നാണ് സര്ക്കാരിന്റെ നിലപാട്. കുറ്റപത്രം സമര്പ്പിച്ച കേസില് സി ബി ഐ അന്വേഷണം ആവശ്യമില്ല എന്നും കേരളം സുപ്രീം കോടതിയില്സമര്പ്പിച്ച അപ്പീലില് വ്യക്തമാക്കിയിട്ടുണ്ട്.
ഇന്നലെ രാവിലെയാണ് ആഭ്യന്തര വകുപ്പിന്റെ ചുമതലയുള്ള സംസ്ഥാന അഡീഷണല് ചീഫ് സെക്രട്ടറിക്ക് വേണ്ടി സ്റ്റാന്റിങ്കോണ്സല് ജി പ്രകാശ് സുപ്രീം കോടതിയില് അപ്പീല് ഫയല് ചെയ്തത്.
മുന് അഡീഷണല് സോളിസിറ്റര് ജനറല് ഉള്പ്പടെ ഉള്ള സീനിയര് അഭിഭാഷകരുടെ നിയമോപദേശത്തിന്റെ അടിസ്ഥാനത്തില് ആണ് സംസ്ഥാന സര്ക്കാര് അപ്പീല് നല്കിയിരിക്കുന്നത്.
2019 ഫെബ്രുവരി 17നാണ് യൂത്ത് കോണ്ഗ്രസ് പ്രവര്ത്തകരായ ശരത്ലാലും കൃപേഷും കൊല്ലപ്പെട്ടത്. ബൈക്കില് ശരത്ലാലിന്റെ വീട്ടിലേക്കു പോകുേമ്പാള് അക്രമികള് തടഞ്ഞുനിറുത്തി വെട്ടിക്കൊലപ്പെടുത്തുകായായിരുന്നു. സി പി എം മുന് ലോക്കല് സെക്രട്ടറി അയ്യങ്കാവ് വീട്ടില് പീതാംബരനാണ് ഒന്നാംപ്രതി. ആകെ 14 പ്രതികളാണുള്ളത്.