Kerala
നെന്മാറയില് ഒരു കിലോ കഞ്ചാവുമായി രണ്ട് യുവാക്കള്‍ പിടിയില്‍
പാലക്കാട് | നെന്മാറയില് ഒരു കിലോ കഞ്ചാവുമായി രണ്ട് യുവാക്കള്‍ പിടിയില്‍. ജില്ലാ ലഹരി വിരുദ്ധ സ്വക്വാഡ് നടത്തിയ വാഹന പരിശോധനയിലാണ് ബൈക്കില്‍ കടത്താന്‍ ശ്രമിച്ച കഞ്ചാവ് പിടികൂടിയത്. എലവഞ്ചേരി പറശ്ശേരി സ്വദേശി ദീപു, നെന്മാറ അയ്യപ്പന്‍പാറ സ്വദേശി പ്രവീണ്‍ എന്നിവരാണ് അറസ്റ്റിലായത്. പിടിച്ചെടുത്ത കഞ്ചാവിന് ചില്ലറ വിപണിയില്‍ ഒരു ലക്ഷം രൂപ വിലവരും.
കോയമ്പത്തൂരില്‍ നിന്നുമാണ് പ്രതികള്‍ കഞ്ചാവുമായി എത്തിയത്. രഹസ്യ വിവരത്തിന്റെ അടിസ്ഥാനത്തില്‍ ജില്ല പൊലീസ് മേധാവിയുടെ നിര്‍ദേശ പ്രകാരമായിരുന്നു പരിശോധന. നെന്മാറ, അയിലൂര്‍, വടക്കഞ്ചേരി തുടങ്ങിയ മലയോര മേഖല കേന്ദ്രീകരിച്ച് ചില്ലറ വില്‍പനക്കാര്‍ക്ക് കൈമാറാന്‍ കൊണ്ടു വന്ന കഞ്ചാവാണ് പിടികൂടിയത്.
പിടിയിലായ പ്രതികള്‍ ഇതിന് മുന്‍പും കഞ്ചാവ് കേസില്‍ പിടിക്കപ്പെട്ടവരാണ്. കൂടാതെ നിരവധി ക്രിമിനല്‍ കേസുകളും ഇവരുടെ പേരിലുണ്ട്.
Latest
കോട്ട തിരിച്ചുപിടിക്കാൻ യാദവ കുടുംബം ഒറ്റക്കെട്ട്
റെഡ്ഢിമാരും റാവുമാരും ഉഴുതുമറിച്ച തെലുങ്ക് മണ്ണ്
ആറ്റിങ്ങല്: ത്രികോണ തരംഗം
ധ്രുവ് റാഠി എന്ന മാധ്യമ പ്രതിപക്ഷം
ഇ വി എമ്മിന്റെ വിശ്വാസ്യത വോട്ടര്മാര്ക്കും ബോധ്യപ്പെടണം
മണ്ണു നീക്കുന്നതിനിടെ സ്റ്റീല് ബോംബ് കണ്ടെയ്നര് കണ്ടെത്തി
