National
കൊവിഡ് രോഗിയുടെ മൃതദേഹം സംസ്‌കരിക്കാന്‍ ബന്ധുക്കള്‍ വിസമ്മതിച്ചു; അന്ത്യകര്‍മ്മങ്ങള്‍ നടത്തി മുസ്ലിം യുവാക്കള്‍
ഹൈദരബാദ്| കൊവിഡ് ബാധിച്ച് മരിച്ചയാളുടെ മൃതദേഹം സംസ്‌കരിക്കാന്‍ ബന്ധുക്കള്‍ വിസമ്മതിച്ചതോടെ അന്ത്യകര്‍മ്മങ്ങള്‍ ഏറ്റെടുത്ത് നടത്തി മുസ്ലിം യുവാക്കള്‍ മാതൃകയായി. തെലങ്കാനയിലാണ് സംഭവം.
തിങ്കളാഴ്ച 65കാരന്‍ കൊവിഡ് ബാധിച്ച് മരിച്ചതായി ആശുപത്രി അധികൃതര്‍ ബന്ധുക്കളെ വിവരം അറിയിച്ചു. എന്നാല്‍ കൊവിഡിനെ പേടിച്ച് സംസ്‌കാരം നടത്താന്‍ ബന്ധുക്കള്‍ വിസമ്മതിച്ചു. ഇത് അറിഞ്ഞ് സ്ഥലത്തെത്തിയ മുസ്ലിം യുവാക്കള്‍ വൃദ്ധന്റെ മൃതദേഹം ഹിന്ദു ആചാര പ്രകാരം സംസ്‌കരിക്കുകയായിരുന്നു.
പോലീസും പ്രാദേശിക ഭരണകൂടങ്ങളും ബന്ധുക്കളെ കാര്യങ്ങള്‍ പറഞ്ഞ് മനസ്സിലാക്കാന്‍ ശ്രമിച്ചുവെങ്കിലും അത് പരാജയപ്പെടുകയായിരുന്നു. തുടര്‍ന്നാണ് മുസ്ലിം യുവാക്കളായ അബ്ദുല്‍ റബ്ബ്, മുനീര്‍, ഇസ്ഹാഖ്, നാസിര്‍അലി, ഷൊഹയ്ബ്, ഇമ്രാന്‍ എന്നിവര്‍ സ്ഥലത്തെത്തി ഹിന്ദു ആചാരപ്രകാരം അന്ത്യകര്‍മ്മങ്ങള്‍ നടത്തിയത്. സംസ്‌കാരം നടത്താന്‍ ബന്ധുക്കള്‍ വിസമ്മതിച്ചതറിഞ്ഞപ്പോള്‍ ഇത് നടത്താന്‍ തങ്ങള്‍ തീരുമാനിക്കുകയായിരുന്നുവെന്ന് അബ്ദുല്‍ റബ്ബ് പറഞ്ഞു. കൊവിഡ് മാനദ്ധണ്ഡങ്ങള്‍ അനുസരിച്ചാണ് സംസ്‌കാരം നടത്തിയതെന്നും അദ്ദേഹം കൂട്ടിചേര്‍ത്തു.
Latest
അമേരിക്ക പോലും വിറച്ചുനിന്ന കാലത്ത് ശരിയായ നിലപാട് സ്വീകരിച്ചതാണ് കേരളം; പ്രതിപക്ഷത്തിന് ആയുധം നല്‍കുന്ന പരാമര്‍ശമുണ്ടാകുമ്പോള്‍ പ്രതികരണമുണ്ടാകും: എംവി ഗോവിന്ദന്‍
യന്ത്രത്തകരാര്‍; എയര്‍ ഇന്ത്യയുടെ കൊച്ചി ദുബൈ വിമാനത്തിന് പുറപ്പെടാനായില്ല
ഹേമചന്ദ്രന്റേത് ആത്മഹത്യ, വീണ്ടും പോസ്റ്റ്‌മോര്‍ട്ടം ചെയ്യണം; ഫേസ്ബുക്ക് വീഡിയോയുമായി ഒളിവില്‍ കഴിയുന്ന പ്രതി നൗഷാദ്
'തന്റേത് പ്രൊഫഷണല്‍ സൂയിസൈഡ്; പ്രതിസന്ധിയുണ്ടാക്കിയത് ഉദ്യോഗസ്ഥര്‍, മുഖ്യമന്ത്രി ഗുരുനാഥനാണ്'
ഈ മാസം മുതല്‍ സപ്ലൈകോ കെ റൈസ് എട്ട് കിലോ വീതം വിതരണം ചെയ്യും
സംസ്ഥാനത്ത് ഇന്ന് മുതല്‍ മഴ വീണ്ടും ശക്തമാകും; മൂന്ന് ജില്ലകളില്‍ യെല്ലോ അലര്‍ട്ട്
