National
പ്രശാന്ത് ഭൂഷന്‍ നല്‍കിയ വിശദീകരണം സുപ്രീം കോടതി ഇന്ന് പരിഗണിക്കും
ന്യൂഡല്‍ഹി | ചീഫ് ജസ്റ്റിസിനെ വിമര്‍ശിച്ചതിന് അഭിഭാഷന്‍ പ്രശാന്ത് ഭൂഷനെതിരായ കോടതിയലക്ഷ്യ കേസില്‍ അദ്ദേഹം നല്‍കിയ വിശദീകരണം സുപ്രീം കോടതി ഇന്ന് പരിഗണിക്കും. കോടതിയലക്ഷ്യ കേസില്‍ മാപ്പ് പറയണമെന്ന് സുപ്രീം കോടതി നേരത്തെ അദ്ദേഹത്തോട് ആവശ്യപ്പെട്ടിരുന്നു. ഇതില്‍ അദ്ദേഹം നല്‍കിയ സത്യവാങ്മൂലമാണ് ഇന്ന് പരിഗണിക്കുന്നത്. കോടതി അലക്ഷ്യ കേസില്‍ മാപ്പുപറയാന്‍ തെറ്റ് ചെയ്തിട്ടില്ലെന്നും വിമര്‍ശിക്കുക എന്ന തന്റെ ഉത്തരവാദിത്തം നിറവേറ്റുക മാത്രമാണ് ചെയ്തതെന്നുമാണ് സത്യവാംങ്മൂലത്തില്‍ പ്രശാന്ത് ഭൂഷണ്‍ വ്യക്തമാക്കിയിരിക്കുന്നത്. വിഷയത്തില്‍ കോടതി എന്ത് നടപടി സ്വീകരിക്കുമെന്നത് വരും ദിവസങ്ങളില്‍ വലിയ ചര്‍ച്ചയാകുമെന്നത് വ്യക്തമാണ്.
ചീഫ് ജസ്റ്റിസിനെതിരെ ട്വിറ്ററില്‍ നടത്തിയ പരാമര്‍ശത്തിന് നിരുപാധികം മാപ്പുപറഞ്ഞുള്ള സത്യവാംങ്മൂലം നല്‍കണമെന്നായിരുന്നു കോടതി നിര്‍ദേശം. എന്നാല്‍ ഇത് തള്ളി പ്രശാന്ത് ഭൂഷന്‍ സത്യവാംങ്മൂലം നല്‍കുകയായിരുന്നു. ഈ സാഹചര്യത്തില്‍ ശിക്ഷ വിധിക്കുന്ന നടപടിയിലേക്ക് പോകണോ എന്നതില്‍ ഇന്ന് സുപ്രീം കോടതി തീരുമാനം എടുത്തേക്കും. ഇതോടൊപ്പം പ്രശാന്ത് ഭൂഷണെതിരെ തെഹല്‍ക മാഗസിന് നല്‍കിയ അഭിമുഖവുമായി ബന്ധപ്പെട്ട രണ്ടാമത്തെ കോടതി അലക്ഷ്യ കേസും ഇന്ന് പരിഗണനയില്‍ വരും.
Latest
ദളിത് യുവതിക്കെതിരായ വ്യാജ മോഷണ പരാതി; വീട്ടുടമക്കും പോലീസുകാര്‍ക്കുമെതിരെ കേസെടുത്തു
രജിസ്ട്രാറുടെ സസ്‌പെന്‍ഷന്‍; കേരള സര്‍വകലാശാല നാളെ പ്രത്യേക സിന്‍ഡിക്കേറ്റ് യോഗം ചേരും
സ്വകാര്യ ബസ് സമരം ഒഴിവാക്കാന്‍ ഉടമകളുമായി ചര്‍ച്ച നടത്തും: മന്ത്രി കെ ബി ഗണേഷ് കുമാര്‍
ആറാം ക്ലാസ് വിദ്യാര്‍ഥിയെ ലൈംഗിമായി പീഡിപ്പിച്ച കേസ്; പ്രതിക്ക് 9 വര്‍ഷം കഠിനതടവും 85000 രൂപ പിഴയും
മന്ത്രി വീണാ ജോര്‍ജിനെ വേട്ടയാടാനാണ് യു ഡി എഫ് തീരുമാനമെങ്കില്‍ ശക്തമായി നേരിടുമെന്ന് ഡി വൈ എഫ് ഐ
എസ് എസ് എഫ് വണ്‍ ഡ്രോപ്പ് കാമ്പയിന്‍ ആരംഭിച്ചു
