തിരുവനന്തപുരത്ത് ഇന്ന് കൊവിഡ് സ്ഥിരീകരിച്ചത് 434 പേര്‍ക്ക്; 428ഉം സമ്പര്‍ക്ക രോഗബാധിതര്‍

തിരുവനന്തപുരം | തലസ്ഥാനത്ത് ഇന്ന് മാത്രം കൊവിഡ് സ്ഥിരീകരിച്ചത് 434 പേര്‍ക്ക്. ഇതില്‍ 428 പേര്‍ക്കും സമ്പര്‍ക്കത്തിലൂടെയാണ് രോഗം ബാധിച്ചത് എന്നത് ആശങ്കക്കിടയാക്കിയിട്ടുണ്ട്. ജില്ലയില്‍ അഞ്ച് ആരോഗ്യ പ്രവര്‍ത്തകരുടെയും കൊവിഡ് പരിശോധനാ ഫലം പോസിറ്റീവാണ്. പാലക്കാട്, മലപ്പുറം ജില്ലകളില്‍ 202 പേര്‍ക്ക് പുതുതായി രോഗം ബാധിച്ചു. മലപ്പുറത്ത് 180ഉം പാലക്കാട്ട് 159ഉം പേര്‍ സമ്പര്‍ക്ക ബാധിതരാണ്.

എറണാകുളം- 109, കോഴിക്കോട്- 83, തൃശൂര്‍- 73, കാസര്‍കോട്, 71, കൊല്ലം- 64, ആലപ്പുഴ- 59, പത്തനംതിട്ട- 44, കോട്ടയം- 43, വയനാട് – 27, കണ്ണൂര്‍- 21, ഇടുക്കി- 19 എന്നിങ്ങനെയാണ് മറ്റു ജില്ലകളിലെ സമ്പര്‍ക്ക രോഗബാധിതരുടെ കണക്ക്. സംസ്ഥാനത്ത് ആകെ 15 ആരോഗ്യ പ്രവര്‍ത്തകര്‍ക്കാണ് ഇന്ന് രോഗം ബാധിച്ചത്. തിരുവനന്തപുരം- 5, മലപ്പുറം- 4, പത്തനംതിട്ട, കോഴിക്കോട്- രണ്ടു വീതം, കണ്ണൂര്‍, കാസര്‍കോട്- ഒന്നു വീതം എന്നിങ്ങനെയാണ് കണക്ക്.