Kerala
പെട്ടിമുടിയില് തിരച്ചില് പുനരാരംഭിച്ചു; ഇനി കണ്ടെത്താനുള്ളത് 49 പേരെ
തൊടുപുഴ | രാജമല പെട്ടിമുടിയില് മണ്ണിച്ചിലിനെത്തുടര്ന്ന് കാണാതായ 49 പേര്ക്കു വേണ്ടിയുള്ള തിരച്ചില് പുനരാരംഭിച്ചു. ദേശീയ ദുരന്തനിവാരണ സേനയുടെ നേതൃത്വത്തിലാണ് തിരച്ചില് നടത്തുന്നത്.
പ്രതികൂല കാലാവസ്ഥയെ തുടര്ന്നാണ് വെള്ളിയാഴ്ച അര്ധരാത്രിയോടു കൂടിയാണ് തിരച്ചില് നിര്ത്തിവെച്ചത്. പ്രദേശത്ത് കനത്ത മഴയും മൂടല് മഞ്ഞും കാഴ്ച തടസ്സപ്പെട്ടതോടെയാണ് തിരച്ചില് നിര്ത്തിയത്.
അപകടത്തില് 18 പേരുടെ മരണം സ്ഥിരീകരിച്ചു. അപകടത്തില് നിന്ന് രക്ഷപ്പെടുത്തിയ 11 പേരില് ഒരാളൊഴികെയുള്ളവര് അപകടനില തരണം ചെയ്തു. ഇവര് വിവിധ ആശുപത്രികളില് ചികിത്സയിലാണ്. കോലഞ്ചേരി മെഡിക്കല് കോളേജില് ചികിത്സയിലുള്ള ഒരാളുടെ നില ഗുരുതരമായി തുടരുന്നു.
---- facebook comment plugin here -----