ഭൂമി പൂജ ചടങ്ങ് മാറ്റിവെയ്ക്കണമെന്ന് ദിഗ്വിജയ് സിംഗ്

ഭോപ്പാല്‍| ബുധനാഴ്ച നടത്താന്‍ ഇരിക്കുന്ന ഭൂമി പൂജ ചടങ്ങ് മാറ്റിവെയ്ക്കണമെന്ന് പ്രധാനമന്ത്രിയോട് കോണ്‍ഗ്രസ് നേതാവ് ദിഗ്വിജയ് സിംഗ് ആവശ്യപ്പെട്ടു.

കൊവിഡ് മഹാമാരി രൂക്ഷമാകുന്നത് മൂലം ഈ സന്ദര്‍ഭത്തില്‍ ചടങ്ങ് നടത്തുന്നത് അനുചിതമല്ലെന്നും അദ്ദേഹം പറഞ്ഞു. രാമക്ഷേത്ര നിര്‍മാണത്തിന്റെ ഭൂമിപൂജ ചടങ്ങ് ബുധനാഴ്ച നടക്കാനിരിക്കുകയാണ്. പ്രധാനമന്ത്രി പങ്കെടുക്കുമെന്നാണ് സൂചന.

നൂറ് വര്‍ഷത്തെ നിയമപോരാട്ടത്തിന് ശേഷമാണ് രാമക്ഷേത്രം പണിയാനുള്ള അനുമതി ലഭിച്ചത്. നിങ്ങളുടെ അഹങ്കാരം അതിന് തടസ്സം സൃഷ്ട്ടിക്കാന്‍ ഇടയാക്കരുതെന്നും അദ്ദേഹം പറഞ്ഞു.