Covid19
ഇന്ന് 12 പുതിയ ഹോട്ട്സ്പോട്ടുകള്
തിരുവനന്തപുരം | സംസ്ഥാനത്ത് ഇന്ന് 12 പ്രദേശങ്ങളെ കൂടി ഹോട്ട്സ്പോട്ട് പട്ടികയില് ഉള്പ്പെടുത്തി. നേരത്തേ ഹോട്ട്സ്പോട്ട് പട്ടികയിലുണ്ടായിരുന്ന നാല് പ്രദേശങ്ങളെ ഒഴിവാക്കിയിട്ടുണ്ട്. തിരുവനന്തപുരം ജില്ലയിലെ ആര്യനാട് പഞ്ചായത്തിലെ എല്ലാ വാര്ഡുകളും കണ്ടെയ്ന്മെന്റ് സോണ് പട്ടികയില് ഉള്പ്പെടുത്തി. നിലവില് സംസ്ഥാനത്ത് ആകെ 169 ഹോട്ട്സ്പോട്ടുകളാണ് ഉള്ളത്.
തിരുവനന്തപുരത്ത് കാരോട് (കണ്ടെയ്ന്മെന്റ് സോണ് വാര്ഡ് 14, 15, 16), കണ്ണൂര് ജില്ലയിലെ വേങ്ങാട് (5), കാങ്കോല്ആലപ്പടമ്പ (1), കൂടാളി (18), എറണാകുളം ജില്ലയിലെ മുളവുകാട് (3), ആലങ്ങാട് (7), ചൂര്ണിക്കര (7), വയനാട് ജില്ലയിലെ കല്പ്പറ്റ മുന്സിപ്പാലിറ്റി (5, 9, 11, 14, 15, 18, 19, ആനപ്പാലം റോഡ് മുതല് ബൈപാസ് റോഡിലെ ട്രാഫിക് ജംഗ്ഷന് വരെയുള്ള ഇരുവശത്തേയും കടകളും സ്ഥാപനങ്ങളും), പത്തനംതിട്ട ജില്ലയിലെ റാന്നി (1, 2), ആലപ്പുഴ ജില്ലയിലെ പത്തിയൂര് (12), പാലക്കാട് ജില്ലയിലെ കൊഴിഞ്ഞാമ്പാറ (8) എന്നിവയാണ് പുതിയ ഹോട്ട് സ്പോട്ടുകള്.
മലപ്പുറം ജില്ലയിലെ പരപ്പനങ്ങാടി മുനിസിപ്പാലിറ്റി (കണ്ടെയ്ന്മെന്റ് സോണ് വാര്ഡ് 31), പുല്പ്പറ്റ (7), കൊല്ലം ജില്ലയിലെ തൃക്കോവില്വട്ടം (6, 7, 9), കോട്ടയം ജില്ലയിലെ കോട്ടയം മുന്സിപ്പാലിറ്റി (36, 43) എന്നിവയെയാണ് കണ്ടെയ്ന്മെന്റ് സോണില് നിന്നും ഒഴിവാക്കിയത്.