കൊവിഡ്: കേരളത്തിന്റെ സഹായം തേടി ഉദ്ധവ് താക്കറ

മുംബൈ| കൊവിഡ് പ്രതിരോധത്തില്‍ കേരളത്തിന്റെ പിന്തുണ തേടി മഹാരാഷട്ര മുഖ്യമന്ത്രി ഉദ്ധവ് താക്കറെ. തിരുവനന്തപുരം മെഡിക്കല്‍ കോളജില്‍ നിന്നുള്ള ആരോഗ്യപ്രവര്‍ത്തകരുടെ സംഘത്തിന്റെ പ്രവര്‍ത്തന മികവിന് അദ്ദേഹം നന്ദി അറിയിച്ചു.

കേരളത്തിന് അയച്ച കത്തിലാണ് അദ്ദേഹം ഇക്കാര്യം അറിയച്ചത്. തിരുവനന്തപുരം മെഡിക്കല്‍ കോളജ് ഡെപ്യൂട്ടി സൂപ്രണ്ട് ഡോ. സന്തോഷിന്റെ നേതൃത്വത്തിലുള്ള മെഡിക്കല്‍ സംഘത്തിന്റെ പ്രവര്‍ത്തന മികവിനാണ് താക്കറെ കത്തിലൂടെ നന്ദി അറിയിച്ചത്.

നിലവിലെ സാഹചര്യം നേരിടാന്‍ മഹാരാഷട്രക്ക് കേരളത്തിന്റെ സാഹായം ആവശ്യമാണ്. ഇതിനായി കേരളത്തില്‍ നിന്നുള്ള കൂടുതല്‍ ആരോഗ്യ വിദഗ്ധരുടെ സേവനം ആവശ്യമാണെന്നും കേരളത്തിനയച്ച കത്തില്‍ അദ്ദേഹം പറഞ്ഞു. പ്രളയ സമയത്ത് മഹാരാഷട്ര കേരളത്തിന് സഹായം നല്‍കിയതും കത്തില്‍ സൂചിപ്പിച്ചിട്ടുണ്ട്.