ലേ ആശുപത്രിയിലെ സൈനികരുടെ ചികത്സയില്‍ സംശയമുണ്ടായത് നിര്‍ഭാഗ്യകരമെന്ന്

ലഡാക്ക്| പരുക്കേറ്റ് ലേ ആശുപത്രിയില്‍ കഴിയുന്ന സൈനികരുടെ ചികിത്സയെ കുറിച്ച് അധിക്ഷേപം നടത്തിയത് നിര്‍ഭാഗ്യകരമെന്ന് ഇന്ത്യന്‍ സൈന്യം പുറത്തിറക്കിയ പ്രസ്താവനയില്‍ പറഞ്ഞു.

പ്രധാനമന്ത്രിയുടെ സന്ദര്‍ശനത്തിന് പുറകെയാണ് പുതിയ വിവാദമുണ്ടായത്. പരുക്കേറ്റ എല്ലാവര്‍ക്കും നല്‍കുന്നത് മികച്ച ചികിത്സയാണെന്നും ചിത്രങ്ങളില്‍ കാണുന്ന ഹാള്‍ കൊറോണ വാര്‍ഡ് ആണെന്നും ഇന്ത്യന്‍ ആര്‍മി അറിയിച്ചു.

പ്രധാനമന്ത്രി ലേ ആശുപത്രി സന്ദര്‍ശിക്കുന്ന സമയത്ത് അവിടെ മതിയായ സൗകര്യങ്ങള്‍ ഉണ്ടായിരുന്നില്ലെന്ന് തരത്തില്‍ അപകീര്‍ത്തികരമായ പ്രസ്താവനകള്‍ നടത്തിയിരുന്നു. ഇത് നിര്‍ഭാഗ്യകരമാണെന്നും സൈന്യം അറിയിച്ചു.

അതിര്‍ത്തിയില്‍ ചൈനയുമായി നടന്ന ഏറ്റുമുട്ടലില്‍ പരുക്കേറ്റ സൈനികര്‍ ചികിത്സയില്‍ കഴിയുന്ന ലേ ആശുപത്രിയില്‍ കഴിഞ്ഞ ദിവസമാണ് മോദി സന്ദര്‍ശനം നടത്തിയത്.