ലണ്ടനിൽ സംഗീത പരിപാടിക്കിടെ അക്രമം: ഏഴ് പോലീസുകാർക്ക് പരുക്ക്

ലണ്ടൻ | കൊറോണവൈറസ് വ്യാപനത്തിനിടെ പൊതുജനാരോഗ്യത്തിന് ഹാനികരമാകുന്ന രീതിയിൽ നടത്തിയ സംഗീത പരിപാടിക്കിടെയുണ്ടായ ആക്രമത്തിൽ ഏഴ് പോലീസുകാർക്ക് പരുക്കേറ്റു. പടിഞ്ഞാറൻ ലണ്ടനിലെ ഹാവ്‌ലോക്ക് ക്ലോസിലെ ഒരു എസ്‌റ്റേറ്റിൽ ഇന്നലെയാണ് സംഭവം.

ലൈസൻസില്ലാതെ നടത്തിയ പരിപാടി തടയാൻ രംഗത്തെത്തിയ പോലീസുകാർക്ക് നേരെ സംഘാംഗങ്ങൾ അക്രമാസക്തരാകുകയും ഇഷ്ടികകളും മറ്റും കൊണ്ട് എറിയുകയും ചെയ്തതായി പോലീസ് പറഞ്ഞു. എന്നാൽ ആർക്കുമെതിരെ കേസെടുത്തിട്ടില്ല.

ഇത്തരം ഒത്തുചേരലുകൾ നിയമവിരുദ്ധവും പൊതുജനാരോഗ്യത്തിന് ദോഷകരവുമാണെന്ന് പോലീസ് വ്യക്തമാക്കി.