International
ശശാങ്ക് മനോഹര്‍ ഐ സി സി അധ്യക്ഷ പദവിയൊഴിഞ്ഞു; ഇമ്രാന്‍ ഖ്വാജ താത്ക്കാലിക ചെയര്‍മാന്‍
ദുബൈ | ശശാങ്ക് മനോഹര്‍ അന്താരാഷ്ട്ര ക്രിക്കറ്റ് കൗണ്‍സിലിന്റെ (ഐ സി സി) അധ്യക്ഷ പദവിയൊഴിഞ്ഞു. ഐ സി സിയുടെ പ്രഥമ ചെയര്‍മാനായിരുന്നു അദ്ദേഹം. പുതിയ ചെയര്‍മാനെ തിരഞ്ഞെടുക്കുന്നതു വരെ നിലവിലെ ഡെപ്യൂട്ടി ചെയര്‍മാന്‍ ഇമ്രാന്‍ ഖ്വാജ താത്ക്കാലിക ചുമതല വഹിക്കും. 2015 നവംബറില്‍ അധ്യക്ഷ സ്ഥാനമേറ്റെടുത്ത ശശാങ്ക് മനോഹര്‍ 2008-2011 കാലയളവില്‍ ബി സി സി ഐയുടെ അധ്യക്ഷ പദവിയും വഹിച്ചിട്ടുണ്ട്. ഐ സി സി ചട്ട പ്രകാരം ശശാങ്കിന്റെ കാലയളവ് രണ്ട് വര്‍ഷം കൂടി നീട്ടിനല്‍കാന്‍ സാധ്യതയുണ്ടായിരുന്നു.
രണ്ടു തവണയായി ഈരണ്ടു വര്‍ഷം സേവനമനുഷ്ഠിച്ച ശേഷമാണ് ശശാങ്ക് ഒഴിവാകുന്നതെന്ന് ഐ സി സി പറഞ്ഞു. അടുത്താഴ്ച നടക്കുന്ന ബോര്‍ഡ് യോഗത്തില്‍ പുതിയ അധ്യക്ഷനെ തിരഞ്ഞെടുത്തേക്കും. ശശാങ്കിന്റെ നേതൃത്വം ക്രിക്കറ്റ് കൗണ്‍സിലിന് ഏറെ പ്രയോജനം ചെയ്തുവെന്നും ക്രിക്കറ്റിനു വേണ്ടി അദ്ദേഹം ശ്ലാഘനീയമായ പ്രവര്‍ത്തനങ്ങള്‍ നടത്തിയെന്നും ഐ സി സി ചീഫ് എക്‌സിക്യൂട്ടീവ് മനു സ്വാഹ്നെ പ്രതികരിച്ചു.
Latest
ഇ പി ജയരാജന്‍ ബി ജെ പിയിലേക്ക് പോകാന്‍ ചര്‍ച്ച നടത്തി: കെ സുധാകരന്‍
ലോക്‌സഭാ തിരഞ്ഞെടുപ്പ്: വിധിയെഴുതാന്‍ കേരളം ഇന്ന് ബൂത്തിലേക്ക്
'അബ്ഷിര്‍ പ്ലാറ്റ്‌ഫോം'; നടന്നത് 25,00000 ത്തിലധികം ഇലക്ട്രോണിക് ഇടപാടുകള്‍
ജമൈക്ക ഫലസ്തീന്‍ രാഷ്ട്രത്തെ അംഗീകരിച്ചു; സ്വാഗതം ചെയ്ത് അറബ് പാര്‍ലിമെന്റ്
ഈജിപ്ഷ്യന്‍ തൊഴിലാളികള്‍ക്കുള്ള വിസ വീണ്ടും നിര്‍ത്തിവെച്ച് കുവൈത്ത്
വിദ്വേഷം പരത്തി വോട്ട് നേടാന്‍ ശ്രമം; മോദിയുടെ പ്രസംഗത്തിനെതിരെ രൂക്ഷ വിമര്‍ശനവുമായി ലത്തീന്‍ സഭാ മുഖപത്രം
