12ാം ദിവസവും വില വര്‍ധിപ്പിച്ചു; പെട്രോളിന് 53 പൈസയുടേയും ഡീസലിന് 64 പൈസയുടേയും വര്‍ധന

ന്യൂഡല്‍ഹി | തുടര്‍ച്ചയായ 12ാം ദിവസവും രാജ്യത്ത് ഇന്ധനവില കൂടി. പെട്രോളിന് 53 പൈസയും ഡീസലിന് 64 പൈസയുമാണ് വര്‍ധിച്ചത്. രാജ്യാന്തര വിപണിയില്‍ ക്രൂഡ് ഓയില്‍ വില കുറഞ്ഞിട്ടും എണ്ണ കമ്പനികള്‍ തുടര്‍ച്ചയായി വില വര്‍ധിപ്പിച്ചുകൊണ്ടിരിക്കുകയാണ് .ഡല്‍ഹിയില്‍ പെട്രോള്‍ ലിറ്ററിന് 77.81 രൂപയും ഡീസലിന് 76.43 രൂപയുമാണ് വ്യാഴാഴ്ചത്തെ വില.കൊച്ചിയില്‍ പെട്രോളിന് 78 രൂപ ഏഴ് പൈസയും ഡീസലിന് 72 രൂപ 46 പൈസയുമാണ് വില.

കഴിഞ്ഞ 12 ദിവസങ്ങള്‍ക്കൊണ്ട് പെട്രോളിന് 6.56 രൂപയും ഡീസലിന് 6.72 രൂപയുമാണ് കൂടിയത്. രാജ്യാന്തര വിപണിയില്‍ ക്രൂഡ് ഓയിലിന് വില ബാരലിന് 33 ഡോളറില്‍നിന്നും 19 ഡോളറായി കുറഞ്ഞു. ക്രൂഡ് ഓയില്‍ വില കുറയുമ്പോഴും കേന്ദ്രസര്‍ക്കാര്‍ എക്‌സൈസ് നികുതി വര്‍ധിപ്പിച്ചതിനെ തുടര്‍ന്നാണ് വിലവര്‍ധിപ്പിക്കേണ്ട സാഹചര്യമുണ്ടായതെന്നാണ് എണ്ണക്കമ്പനികള്‍ പറയുന്നത്.