Covid19
കൊവിഡ് പ്രത്യാഘാതം: മിഡില്‍ ഈസ്റ്റ്, വടക്കന്‍ ആഫ്രിക്ക മേഖലയില്‍ പൊലിയുക അര ലക്ഷത്തിലേറെ കുഞ്ഞുജീവനുകള്‍
അമ്മാന്‍ | കൊറോണവൈറസ് വ്യാപനത്തിന്റെ പ്രത്യാഘാതം കാരണം മിഡില്‍ ഈസ്റ്റ്, വടക്കന്‍ ആഫ്രിക്ക (മെന) മേഖലയില്‍ ഈ വര്‍ഷം അവസാനത്തോടെ 51,000 കുഞ്ഞുങ്ങള്‍ മരിക്കുമെന്ന് ഐക്യരാഷ്ട്ര സഭാ ഏജന്‍സികളുടെ മുന്നറിയിപ്പ്. അവശ്യ ആരോഗ്യ- പോഷകാഹാര വസ്തുക്കളുടെ വിതരണത്തിലെ തടസ്സം, രണ്ട് പതിറ്റാണ്ടോളമായി മേഖലയിലെ കുട്ടികളുടെ അതിജീവനത്തെ ഗുരുതരമായി ബാധിച്ചിട്ടുണ്ടെന്ന് ലോകാരോഗ്യ സംഘടനയും യു എന്നിന്റെ കുട്ടികളുടെ ഏജന്‍സിയായ യുനിസെഫും മുന്നറിയിപ്പ് നല്‍കിയിട്ടുണ്ട്. അതിന് പുറമെയാണ് ഇപ്പോള്‍ കൊവിഡ് വ്യാപനം.
ഈ വര്‍ഷം അവസാനത്തോടെ അഞ്ച് വയസ്സിന് താഴെയുള്ള അര ലക്ഷത്തിലേറെ കുട്ടികളാണ് മേഖലയില്‍ മരിക്കാന്‍ സാധ്യതയുള്ളത്. പോഷകാഹാരക്കുറവ്, ശിശുരോഗങ്ങള്‍ക്കുള്ള കുത്തിവെപ്പും ചികിത്സയും ലഭിക്കാതിരിക്കുക തുടങ്ങിയ കാരണങ്ങളാലാണ് മരണമുണ്ടാകുക. മേഖലയില്‍ കുട്ടികള്‍ക്ക് വലിയ തോതില്‍ കൊവിഡ് ബാധിച്ചിട്ടില്ലെങ്കിലും മഹാമാരി സൃഷ്ടിച്ച അനുബന്ധ പ്രത്യാഘാതങ്ങള്‍ കാരണമായിരിക്കും ജീവഹാനി.
അവശ്യ കുത്തിവെപ്പ് പൂര്‍ണതോതില്‍ സുരക്ഷിതമായി തുടരണമെന്ന് യു എന്‍ ഏജന്‍സികള്‍ ആവശ്യപ്പെട്ടു. പോഷക ലഭ്യതയും ഉറപ്പാക്കണം. കൊവിഡ് വ്യാപനം തടയാന്‍ ശക്തമായ മുന്‍കരുതല്‍ നടപടികളും ആവശ്യമാണ്.
Latest
മതനിരപേക്ഷ ജനാധിപത്യ സംവിധാനം ഇന്ത്യയില്‍ നിലനില്‍ക്കുമോയെന്ന് തീരുമാനിക്കുന്ന തിരഞ്ഞെടുപ്പാണ് ഇപ്പോള്‍ നടക്കുന്നത്; സീതാറാം യെച്ചൂരി
ഛത്തീസ്ഗഡില്‍ പോളിംഗ് ഡ്യൂട്ടിക്കിടെ ഗ്രനേഡ് പൊട്ടിത്തെറിച്ച് സിആര്‍പിഎഫ് ജവാന് പരുക്ക്
മംഗലാപുരം സ്വദേശിയെ മോങ്ങത്തെ കുളത്തില്‍ മരിച്ചനിലയില്‍ കണ്ടെത്തി
തിരഞ്ഞെടുപ്പ് റാലിക്കിടെ ബിജെപി സ്ഥാനാര്‍ഥി പള്ളിക്ക് നേരെ സാങ്കല്‍പ്പിക അമ്പ് തൊടുത്തു; വന്‍ പ്രതിഷേധം
നാവിക സേനയുടെ അടുത്ത മേധാവിയായി വൈസ് അഡ്മിറല്‍ ദിനേശ്കുമാര്‍ ത്രിപാഠിയെ നിയമിച്ചു
ജയിലെന്ന് കേട്ടാല്‍ പേടിക്കുന്നവരല്ല ഞങ്ങളെന്ന് മുഖ്യമന്ത്രി പിണറായി വിജയന്‍ ; രാഹുല്‍ ഗാന്ധിക്കെതിരെ രൂക്ഷ വിമര്‍ശനം
