Connect with us

Techno

നോക്കിയ 5310 എക്‌സ്പ്രസ് മ്യൂസിക് ഫോണ്‍ നാളെ പുറത്തിറക്കും

Published

|

Last Updated

ന്യൂഡല്‍ഹി| നോക്കിയ 5310 എക്‌സ്പ്രസ് മ്യൂസിക് ഫോണ്‍ നാളെ പുറത്തിറക്കും. 2020 വേര്‍ഷനാണ് പുറത്തിറക്കുന്നത്. പുതിയ നോക്കിയ 5310 ഫോണിന്റെ സവിശേഷതകള്‍ മാര്‍ച്ച് ആദ്യവാരം പുറത്തിറക്കിയിരുന്നു.

ഫോണിന്റെ വിലയും വില്‍പ്പനയും സംബന്ധിച്ച് നാളെ മാത്രമെ പ്രഖ്യാപനമുണ്ടാകു. പുതിയ ഫീച്ചര്‍ ഫോണുകള്‍ നോക്കിയ എപ്പോഴും പുറത്തിറക്കാറുണ്ട്. പുതിയ വേര്‍ഷനിലുള്ള ഫോണുകളാണ്  പുറത്തിറക്കാറുള്ളത്. നോക്കിയ 3310,8110,2720 തുടങ്ങിയവയൊക്കെ അതില്‍പ്പെട്ടതാണ്.

എന്നാല്‍ 2007ല്‍ പുറത്തിറക്കിയ എക്‌സ്പ്രസ് മ്യൂസിക് ഫോണ്‍ ഇപ്പോഴാണ് വീണ്ടും അവര്‍ കൊണ്ടുവരുന്നത്. മ്യൂസിക് കേന്ദ്രീകരിച്ചുള്ളതാണ് പുതിയ ഫോണ്‍. ഏകീകൃത ഡിസൈനിലുള്ള ഫോണില്‍ മ്യൂസിക് ബട്ടണ്‍ ഉള്‍പ്പെടുത്തിയിട്ടുണ്ട്. 2007ല്‍ ഇറക്കിയ ഫോണില്‍ നിന്ന് തികച്ചും വ്യത്യസ്തമാണ് നോക്കിയ 5310. വൈറ്റ് പ്ലസ് റെഡ്, ബ്ലാക്ക് പ്ലസ് റെഡ് കളര്‍ മാത്രമേ ഇപ്പോള്‍ വിപണിയിലിറക്കു.

ഡ്യുവല്‍ ഫ്രണ്ട് ഫേസിങ് സ്പീക്കര്‍ സൗകര്യവും 32 ജിബി സ്റ്റോറേജ് സൗകര്യവും 3.5 എം എം ഹെഡ്‌ഫോണ്‍ ജാക്കും പുതിയ ഫോണിലുണ്ട്. ഫേസ്ബുക്കും ഇന്റര്‍നെറ്റ് സൗകര്യവും പുതിയ ഫീച്ചറിലുണ്ട്.