National
രാജസ്ഥാന്‍ സര്‍ക്കാറിനെ അട്ടിമറിക്കാന്‍ ബി ജെ പി ശ്രമം; ആരോപണവുമായി കോണ്‍ഗ്രസ്
ജയ്പൂര്‍ | രാജ്യസഭാ തിരഞ്ഞെടുപ്പ് ആസന്നമായിരിക്കെ, ഗുജറാത്തില്‍ പാര്‍ട്ടി നേതാക്കളെ ഒന്നിച്ചു നിര്‍ത്താന്‍ പാടുപെടുന്ന കോണ്‍ഗ്രസിന് മുന്നില്‍ മറ്റൊരു പ്രതിസന്ധി. പണശക്തി ഉപയോഗിച്ച് രാജസ്ഥാനിലെ കോണ്‍ഗ്രസ് സര്‍ക്കാറിനെ മറിച്ചിടാന്‍ ശ്രമം നടക്കുന്നതായി പാര്‍ട്ടി ആരോപിച്ചു. സര്‍ക്കാറിനെ താഴെയിറക്കാനുള്ള നീക്കത്തിന്റെ ഭാഗമായി ബി ജെ പി, കോണ്‍ഗ്രസ് എം എല്‍ എമാരെ സമീപിച്ചതായാണ് ആരോപണം. വിഷയം അഴിമതി വിരുദ്ധ ബ്യൂറോ അന്വേഷിക്കണമെന്നും പാര്‍ട്ടി ആവശ്യപ്പെട്ടു. 24 രാജ്യസഭാ സീറ്റുകളിലേക്കാണ് ജൂണ്‍ 19ന് തിരഞ്ഞെടുപ്പ് നടക്കുന്നത്. രാജസ്ഥാനില്‍ മൂന്ന് സീറ്റുകളിലേക്കാണ് തിരഞ്ഞെടുപ്പ്. മുതിര്‍ന്ന കോണ്‍ഗ്രസ് നേതാക്കളായ രണ്‍ദീപ് സുര്‍ജേവാല, കെ സി വേണുഗോപാല്‍ എന്നിവര്‍ക്കു പുറമെ, ഗുജറാത്തില്‍ നിന്നുള്ള ഒരു സംഘം കോണ്‍ഗ്രസ് എം എല്‍ എമാരും സംസ്ഥാനത്തുണ്ട്.
മാര്‍ച്ചില്‍ മധ്യപ്രദേശിലെ കോണ്‍ഗ്രസ് സര്‍ക്കാര്‍ നിലംപതിച്ചിരുന്നു. കഴിഞ്ഞ വര്‍ഷം ജൂലൈയില്‍ കര്‍ണാടകയിലും അധികാരം നഷ്ടപ്പെട്ടു. എച്ച് ഡി കുമാരസ്വാമിയുടെ പാര്‍ട്ടിയുമൊത്ത് അധികാരം പങ്കിടവെയാണ് കര്‍ണാടകയില്‍ തിരിച്ചടി നേരിട്ടത്. ഇരു സംസ്ഥാനങ്ങളിലും ബി ജെ പിയാണ് ഭരണം കൈക്കലാക്കിയത്.
Latest
അടുത്ത അഞ്ചു ദിവസം കാറ്റും മഴയും
അഹമ്മദാബാദ് വിമാന ദുരന്തത്തിനു കാരണം ഇന്ധന നിയന്ത്രണ സ്വിച്ച് ഓഫ് ആയതെന്ന് പ്രാഥമിക അന്വേഷണ റിപ്പോര്‍ട്ട്
പാര്‍ട്ടിക്കുമേലെ വളരാന്‍ ശ്രമിക്കുന്ന വി ടി ബല്‍റാമിനെ പിടിച്ചു പുറത്താക്കണമെന്ന് ആവശ്യം
മഴ നനയാതിരിക്കാന്‍ ടിപ്പര്‍ ലോറിക്കു സമീപം നിന്ന യുവാവ് അപകടത്തില്‍ മരിച്ചു
ഓണ്‍ലൈന്‍ വഴി മയക്കുമരുന്നു വില്‍പ്പന നടത്തുന്ന യുവാവും യുവതിയും പിടിയില്‍
ബി ജെ പി ഭാരവാഹി പട്ടിക: പുതുതായി ചേക്കേറിയവര്‍ താക്കോല്‍ സ്ഥാനങ്ങളില്‍; പരമ്പരാഗത സംഘപരിവാറുകാര്‍ക്ക് അതൃപ്തി
