National
അവശ്യസാധന നിയമ ഭേദഗതിക്ക് കേന്ദ്ര മന്ത്രിസഭയുടെ അംഗീകാരം
ന്യൂഡല്‍ഹി | അവശ്യ സാധന നിയമത്തില്‍ വരുത്തിയ ഭേദഗതിക്ക് കേന്ദ്ര മന്ത്രിസഭാ യോഗം അംഗീകാരം നല്‍കി. കര്‍ഷകര്‍ക്ക് ഈ നടപടി ഏറെ സഹായകമാകുമെന്നും ഉത്പന്നങ്ങള്‍ക്ക് മികച്ച വില ലഭിക്കാന്‍ ഇതുവഴി സാധിക്കുമെന്നും മന്ത്രിസഭാ യോഗ തീരുമാനങ്ങള്‍ വിശദീകരിച്ച് കേന്ദ്ര മന്ത്രി പ്രകാശ് ജാവദേക്കര്‍ പറഞ്ഞു. 2022 ഓടെ കര്‍ഷകരുടെ വരുമാനം ഇരട്ടിയാക്കുകയാണ് ഇതിലൂടെ കേന്ദ്രം ലക്ഷ്യമിടുന്നത്.
കാര്‍ഷിക ഉത്പന്ന മാര്‍ക്കറ്റ് കമ്മിറ്റിയുടെ വിപണികള്‍ക്ക് പുറത്തുള്ള ഒരു വില്‍പ്പനയ്ക്കും കര്‍ഷകര്‍ക്ക് നികുതി ഏര്‍പ്പെടുത്തേണ്ടതില്ലെന്നും കേന്ദ്ര മന്ത്രിസഭ തീരുമാനിച്ചു. കൃഷിക്കാര്‍ക്ക് ഉത്പാദന ചെലവിനേക്കാള്‍ 50 ശതമാനം ഉയര്‍ന്ന മിനിമം താങ്ങുവില അനുവദിക്കുന്ന സ്വാമിനാഥന്‍ റിപ്പോര്‍ട്ടും കേന്ദ്രം അംഗീകരിച്ചിട്ടുണ്ട്.
ഒരു രാജ്യം ഒരു വിപണി എന്ന നയത്തിന്റെ ഭാഗമായാണ് അവശ്യ സാധന നിയമത്തില്‍ കേന്ദ്രം ഭേദഗതി വരുത്തുന്നത്. ഇതിലൂടെ കര്‍ഷകര്‍ക്ക് അവരുടെ ഉത്പന്നങ്ങള്‍ രാജ്യത്ത് എവിടെയും വിറ്റഴിക്കാന്‍ സാധിക്കും. കേന്ദ്ര മന്ത്രിസഭ എടുത്ത തീരുമാനങ്ങള്‍ ചരിത്രപരമാണെന്നും കര്‍ഷകര്‍ക്ക് അവര്‍ ആഗ്രഹിച്ച സ്വാതന്ത്ര്യമാണ് ഇതിലൂടെ ലഭിക്കുന്നതെന്നും കേന്ദ്ര കൃഷിമന്ത്രി നരേന്ദ്ര സിംഗ് തോമര്‍ അവകാശപ്പെട്ടു.
Latest
കോഴിക്കോട്ട് പുതിയങ്ങാടിയില്‍ ബൈക്കില്‍ കാറിടിച്ച് ബൈക്ക് യാത്രക്കാരന്‍ മരിച്ചു
അടുത്ത അഞ്ചു ദിവസം കാറ്റും മഴയും
അഹമ്മദാബാദ് വിമാന ദുരന്തത്തിനു കാരണം ഇന്ധന നിയന്ത്രണ സ്വിച്ച് ഓഫ് ആയതെന്ന് പ്രാഥമിക അന്വേഷണ റിപ്പോര്‍ട്ട്
പാര്‍ട്ടിക്കുമേലെ വളരാന്‍ ശ്രമിക്കുന്ന വി ടി ബല്‍റാമിനെ പിടിച്ചു പുറത്താക്കണമെന്ന് ആവശ്യം
മഴ നനയാതിരിക്കാന്‍ ടിപ്പര്‍ ലോറിക്കു സമീപം നിന്ന യുവാവ് അപകടത്തില്‍ മരിച്ചു
ഓണ്‍ലൈന്‍ വഴി മയക്കുമരുന്നു വില്‍പ്പന നടത്തുന്ന യുവാവും യുവതിയും പിടിയില്‍
