പുലാമന്തോള്‍ സ്വദേശി അല്‍ ഐനില്‍ കൊവിഡ് ബാധിച്ച് മരിച്ചു

അബുദാബി | ജോലി രാജിവെച്ച് നാട്ടിലേക്ക് പോകാനുള്ള ഒരുക്കത്തിനിടയില്‍ മലപ്പുറം പെരിന്തല്‍മണ്ണ പുലാമന്തോള്‍ വളപുരം സ്വദേശി അല്‍ ഐനില്‍ കൊവിഡ് ബാധിച്ചു മരിച്ചു. അല്‍ ഐന്‍ എമിറേറ്റ്‌സ് ട്രാന്‍സ്‌പോര്‍ട്ടില്‍ ഡ്രൈവറായി ജോലി ചെയ്തിരുന്ന പി ടി അഷ്‌റഫാണ് (58 ) മരിച്ചത്.

കമ്പനിയുമായുള്ള എല്ലാ ഇടപാടുകളും അവസാനിപ്പിച്ച് നാട്ടിലേക്ക് തിരികെ പോകാന്‍ എംബസിയില്‍ രജിസ്റ്റര്‍ ചെയ്തു കാത്തിരിക്കുന്നതിനിടയിലാണ് ശ്വാസതടസ്സം കാരണം കഴിഞ്ഞ മാസം മെയ് 13 ന് ആശുപത്രിയില്‍ പ്രവേശിപ്പിച്ചത്. ശ്വാസതടസ്സം ന്യൂമോണിയായി മാറിയെങ്കിലും സുഖം പ്രാപിക്കുന്നതിനിടയിലാണ് ഹൃദയാഘതം കാരണം മരണപ്പെട്ടത്. കൊവിഡ് പരിശോധനയില്‍ പോസറ്റീവ് ആയിരുന്നു. മൃതദേഹം അല്‍ ഐന്‍ അല്‍ ഫുആ ഖബര്‍ സ്ഥാനിയില്‍ മറവ് ചെയ്തു. ഭാര്യ : ഫാത്തിമത്ത് സുഹറ ( ഉമ്മു ) മക്കള്‍ : മുഹമ്മദ് കുട്ടി, ഖദീജ, ആമിന നിഷാന, ബേബി