Kerala
തെക്കന് കേരളത്തില് കനത്ത മഴ; അരുവിക്കര ഡാം തുറന്നു, ജാഗ്രതാ നിര്ദേശം
തിരുവനന്തപുരം | തെക്കന് കേരളത്തില്കനത്ത മഴ തുടരുന്നു. അരുവിക്കര ഡാമിന്റെ അഞ്ചു ഷട്ടറുകള് തുറന്നു. കരമനയാറിന്റെ തീരത്തുള്ളവര്ക്ക് ജാഗ്രത നിര്ദേശം നല്കിയിട്ടുണ്ട്. അഞ്ച് ദിവസം ഇടിമിന്നലോട് കൂടിയ മഴ തുടരും. മത്സ്യത്തൊഴിലാളികള് കടലില് പോകുന്നത് വിലക്കിയിട്ടുണ്ട്.
വരുന്ന മൂന്നുമണിക്കൂര് ശക്തമായ മഴക്ക് സാധ്യതയുള്ളതായി കാലാവസ്ഥാ നിരീക്ഷണ കേന്ദ്രം അറിയിച്ചു. അടുത്ത മൂന്ന് മണിക്കൂറില് തിരുവനന്തപുരം, കോട്ടയം, എറണാകുളം, തൃശ്ശൂര് ജില്ലകളില് ഇടിമിന്നലോട് കൂടിയ മഴയുണ്ടാകുമെന്നാണ് മുന്നറിയിപ്പ്. മണിക്കൂറില് 40 കിലോമീറ്റര് വേഗതയില് കാറ്റുവീശാന് സാധ്യതയുണ്ട്.
മഴയെ തുടര്ന്ന്തിരുവനന്തപുരം നഗരത്തിന്റെ താഴ്ന്ന പ്രദേശങ്ങളില് വെള്ളം കയറി.
മലയോര മേഖലകളിലും ജാഗ്രതാ നിര്ദേശം തുടരുകയാണ്. ഉത്തരകേരളത്തില് സാമാന്യം തെളിഞ്ഞ കാലാവസ്ഥയാണ്. എന്നാല് ജാഗ്രതാ നിര്ദേശം തുടരുന്നു. മത്സ്യത്തൊഴിലാളികളോട് കടലില് പോകരുത് എന്ന് നിര്ദേശം നല്കിയിട്ടുണ്ട്.