Covid19
കൊവിഡ് സ്ഥിരീകരിച്ച മലയാളി നഴ്സ് റിയാദില് താമസസ്ഥലത്ത് മരിച്ചു
ദമാം | കൊവിഡ് സ്ഥിരീകരിച്ച മലയാളി നഴ്സ് റിയാദില് താമസ സ്ഥലത്ത് മരിച്ചു. കൊല്ലം ചീരങ്കാവ് എഴുകോണ് സ്വദേശിനി ലാലി തോമസ് പണിക്കര് (53) ആണ് മരിച്ചത്. റിയാദ് ഓള്ഡ് സനാഇയ്യയിലെ ക്ലിനിക്കില് ജോലി ചെയ്തു വരികയായിരുന്ന ലാലി നേരത്തെ പ്രമേഹ സംബന്ധമായ അസുഖത്തിന് ചികിത്സയിലായിരുന്നു.
ബുധനാഴ്ച ഉച്ചക്കാണ് കൊവിഡ് പോസിറ്റീവാണെന്ന പരിശോധനാഫലം പുറത്തുവന്നത്. രാത്രിയില് ഇവര്ക്ക് ശ്വാസതടസ്സം അനുഭവപ്പെട്ടതിനെ തുടര്ന്ന് ഭര്ത്താവ് തോമസ് മാത്യു പണിക്കര് ആംബുലന്സിന്റെ സഹായം തേടി. എന്നാല്, ആംബുലന്സ് എത്തുന്നതിന് മുമ്പു തന്നെ മരണം സംഭവിച്ചു. സഊദി ആരോഗ്യ മന്ത്രാലയം ജീവനക്കാരെത്തിയാണ് മരണം സ്ഥിരീകരിച്ചത്. ഏക മകള് മറിയാമ്മ തോമസ് നാട്ടിലാണുള്ളത്. ഇതോടെ, സഊദിയില് കൊവിഡ് ബാധിച്ച് മരിച്ച മലയാളികളുടെ എണ്ണം പതിനാറായി.
---- facebook comment plugin here -----