Gulf
നോര്‍ക്ക ഹെല്‍പ്പ് ഡെസ്‌കിന് മലബാര്‍ ഗോള്‍ഡ് 11 ടണ്‍ ഭക്ഷ്യധാന്യങ്ങള്‍ കൈമാറി
ദമാം | കിഴക്കന്‍ പ്രവിശ്യയിലെ നോര്‍ക്ക ഹെല്‍പ്പ് ഡെസ്‌കിന് സഹായഹസ്തവുമായി മലബാര്‍ ഗോള്‍ഡ് കമ്പനി. കൊറോണ രോഗബാധ കാരണം സാമ്പത്തിക പ്രതിസന്ധിയില്‍ ആയ പ്രവാസികള്‍ക്ക് വിതരണം ചെയ്യാനായി മലബാര്‍ ഗോള്‍ഡ്, പതിനൊന്നു ടണ്ണോളം ഭക്ഷ്യധാന്യങ്ങള്‍ ഹെല്‍പ്പ് ഡെസ്‌കിന് കൈമാറി. ഒരു ലക്ഷം റിയാലിലധികം വിലവരുന്ന സാധനങ്ങളാണ് കൈമാറിയത്.
കിഴക്കന്‍ പ്രവിശ്യയിലെ ആയിരക്കണക്കിന് പ്രവാസികള്‍ക്ക് ഭക്ഷ്യധാന്യങ്ങള്‍ വിതരണം ചെയ്ത്, കഴിഞ്ഞ ഒരു മാസമായി നോര്‍ക്ക ഹെല്‍പ്പ് ഡെസ്‌ക്ക് നടത്തുന്ന മാതൃകാപരമായ ജീവകാരുണ്യ പ്രവര്‍ത്തനങ്ങള്‍ക്ക് പിന്തുണ നല്‍കാനുള്ള തീരുമാനത്തിന്റെ ഭാഗമായാണ് ഭക്ഷ്യസാധനങ്ങള്‍ കൈമാറിയതെന്ന് മലബാര്‍ ഗോള്‍ഡ് കമ്പനി സഊദി റീജിണല്‍ ഡയറക്ടര്‍ ഗഫൂര്‍ ഇടക്കുന്നി അറിയിച്ചു.
ഹെല്‍പ്പ്‌ഡെസ്‌ക്കില്‍ ലഭിയ്ക്കുന്ന അഭ്യര്‍ത്ഥനകള്‍ അനുസരിച്ച് , ദുരിതത്തിലായ പ്രവാസികള്‍ക്ക് ഭക്ഷ്യസാധന കിറ്റുകള്‍ വിതരണം ചെയ്യുന്ന നോര്‍ക്കയുടെ പ്രവര്‍ത്തനങ്ങള്‍ക്ക് ഇതൊരു വലിയ മുതല്‍കൂട്ടാകുമെന്നും, മലബാര്‍ ഗോള്‍ഡ് കമ്പനിയുടെ ഈ സേവനത്തിനു നന്ദി പറയുന്നതായും, നോര്‍ക്ക ഹെല്‍പ്പ്‌ഡെസ്‌ക്ക് ജനറല്‍ കണ്‍വീനറും, ലോക കേരളസഭാംഗവുമായ ആല്‍ബിന്‍ ജോസഫ് പറഞ്ഞു. പ്രവാസി സമൂഹത്തോടുള്ള കമ്പനിയുടെ പ്രതിബദ്ധതയാണ് ഇത് കാണിക്കുന്നതെന്നും അദ്ദേഹം ചൂണ്ടിക്കാട്ടി.
സഊദിയിലെ ഇന്ത്യന്‍ പ്രവാസി സമൂഹത്തില്‍ നിന്നും, സര്‍ക്കാര്‍ ഉദ്യോഗസ്ഥര്‍ അടക്കമുള്ള അധികാരികളില്‍ നിന്നും നല്ല പിന്തുണയാണ് നോര്‍ക്ക ഹെല്‍പ്പ് ഡെസ്‌ക്കിന്റെ സാമൂഹ്യസേവന പ്രവര്‍ത്തനങ്ങള്‍ക്ക് ലഭിച്ചുകൊണ്ടിരിക്കുന്നത്.
Latest
ദേവസ്വം ബോര്‍ഡില്‍ നിയമനങ്ങള്‍ നല്‍കാമെന്ന വ്യാജേന തട്ടിപ്പ്: ഇതുവരെ ലഭിച്ചത് 80ലേറെ പരാതികള്‍
ബിഹാര്‍ വോട്ടര്‍പട്ടിക: പ്രത്യേക പരിശോധനയില്‍ ഉറച്ച് തിര. കമ്മീഷന്‍
കീമില്‍ കേരളാ സിലബസ് വിദ്യാര്‍ഥികള്‍ക്ക് മാര്‍ക്ക് കുറയില്ല; ആശ്വാസ ഫോര്‍മുല
ജെ എന്‍ യു വിദ്യാര്‍ഥി നജീബ് അഹമ്മദിന്റെ തിരോധാനം: കേസ് അവസാനിപ്പിക്കാന്‍ സി ബി ഐക്ക് കോടതി അനുമതി
ഇന്ത്യക്ക് മതേതര രാജ്യമായി നിലനില്‍ക്കാനാകില്ല; വിവാദ പ്രസ്താവനയുമായി ബി ജെ പി നേതാവ്
നവജാത ശിശുക്കളെ കൊലപ്പെടുത്തിയ സംഭവം: പ്രതികള്‍ റിമാന്‍ഡില്‍
