Kerala
മലപ്പുറത്ത് പോക്സോ കേസ് പ്രതി കോടതി കെട്ടിടത്തില് നിന്നും ചാടി ആത്മഹത്യക്ക് ശ്രമിച്ചു
മലപ്പുറം: പോക്സോ കേസിലെ പ്രതി കോടതി കെട്ടിടത്തില് നിന്ന് ചാടി ആത്മഹത്യക്ക് ശ്രമിച്ചു. മഞ്ചേരി പോക്സോ കോടതിയിലാണ് സംഭവം. കോടതി കെട്ടിടത്തിന്റെ രണ്ടാം നിലയില് നിന്ന് ചാടിയാണ് പ്രതി ആത്മഹത്യക്ക് ശ്രമിച്ചത്. എടവണ്ണ ചാത്തല്ലൂര് തച്ചറായില് ആലിക്കുട്ടിയാണ് കോടതിയില് ഹാജരാക്കാന് കൊണ്ടുവന്നപ്പോള് കെട്ടിടത്തില് നിന്ന് ചാടിയത്.
സ്കൂള് വിദ്യാര്ത്ഥികളെ പീഡിപ്പിച്ച കേസിലെ പ്രതിയാണ് ഇയാള്. സാരമായ പരുക്കുകളോടെ ഇയാളെ മഞ്ചേരി മെഡിക്കല് കോളേജ് ആശുപത്രിയില് പ്രവേശിപ്പിച്ചു. മൂന്ന് സ്കൂള് വിദ്യാര്ത്ഥികളുടെ മാതാപിതാക്കളുടെ പരാതിയിലാണ് ആലിക്കുട്ടിക്കെതിരെ കേസെടുത്തത്.
---- facebook comment plugin here -----