പെരുമ്പാവൂരില്‍ നിര്‍ത്തിയിട്ട ലോറിക്കു പിന്നില്‍ കാറിടിച്ച് ഒരു കുടുംബത്തിലെ മൂന്നുപേര്‍ മരിച്ചു

കൊച്ചി | പെരുമ്പാവൂരില്‍ ലോറിക്കു പിന്നില്‍ കാറിടിച്ച് മൂന്നുപേര്‍ മരിച്ചു. മലപ്പുറം കോട്ടൂരിലെ ഹനീഫ, ഭാര്യ മുണ്ടക്കയം സ്വദേശിനി സുമയ്യ, ഹനീഫയുടെ സഹോദരന്‍ ഷാജഹാന്‍ എന്നിവരാണ് മരിച്ചത്.

ഇന്ന് പുലര്‍ച്ചെ മൂന്നരയോടെയാണ് അപകടമുണ്ടായത്. റോഡിന്റെ ഒരു വശത്തായി നിര്‍ത്തിയിട്ടിരുന്ന, തടി കയറ്റിയ ലോറിക്കു പിന്നില്‍ കാറിടിക്കുകയായിരുന്നു. മലപ്പുറത്ത് നിന്നും സുമയ്യയുടെ വീട്ടിലേക്ക് പോകുന്നതിനിടെയാണ് അപകടം.