കൊവിഡ് 19: പരീക്ഷാ ഹാളില്‍ മാസ്‌ക് ധരിക്കാനും ഹാന്‍ഡ് സാനിറ്റൈസര്‍ ഉപയോഗിക്കാനും അനുവാദം

ദുബൈ |സി ബി എസ് ഇ, ബോര്‍ഡ് പരീക്ഷ എഴുതുന്ന യു എ ഇ വിദ്യാര്‍ഥികള്‍ക്ക് പരീക്ഷാ ഹാളുകള്‍ക്കുള്ളില്‍ മാസ്‌ക് ധരിക്കാനും ഹാന്‍ഡ് സാനിറ്റൈസര്‍ എടുക്കാനും അനുവാദമുണ്ടാകുമെന്നു അധികൃതര്‍ അറിയിച്ചു.

ഇന്ത്യയിലെ ഏറ്റവും വലിയ വിദ്യാഭ്യാസ ബോര്‍ഡായ സി ബി എസ് ഇ പ്രകാരം പരീക്ഷകള്‍ക്ക് ഹാജരാകേണ്ട 10, 12 ക്ലാസുകളിലെ വിദ്യാര്‍ത്ഥികള്‍ പരീക്ഷാ ചൂടിലാണ്. കൊവിഡ് 19 പ്രതിരോധം സംബന്ധിച്ച നിരവധി അന്വേഷണങ്ങള്‍ ലഭിച്ചുവെന്ന് അധികൃതര്‍ ചൂണ്ടിക്കാട്ടി.
വിദ്യാര്‍ഥികള്‍ ഫെയ്‌സ് മാസ്‌കും സാനിറ്റൈസറുകളും ആഗ്രഹിക്കുന്നുണ്ടെങ്കില്‍ പരീക്ഷാകേന്ദ്രങ്ങളില്‍ കൊണ്ടുപോകാമെന്ന് വ്യക്തമാക്കുന്നു.