Eranakulam
അംഗീകാരമില്ലാത്ത സ്‌കൂളുകള്‍ക്കെതിരെ നടപടിയെടുക്കാത്തത് എന്തുകൊണ്ട് ?; സി ബി എസ് ഇയോട് കോടതി
കൊച്ചി | കൊച്ചി തോപ്പുംപടി അരൂജാസ് സ്‌കൂളിലെ പത്താം ക്ലാസ് വിദ്യാര്‍ഥികളായ 29 പേര്‍ക്ക് പരീക്ഷ എഴുതാന്‍ കഴിയാതിരുന്ന സംഭവത്തില്‍ സി ബി എസ് ഇക്ക് ഹൈക്കോടതിയുടെ രൂക്ഷ വിമര്‍ശം. അംഗീകാരമില്ലാതെ പ്രവര്‍ത്തിക്കുന്ന ഇത്തരം സ്‌കൂളുകള്‍ക്കെതിരെ നടപടി സ്വീകരിക്കാത്തത് എന്തുകൊണ്ടാണെന്നായിരുന്നു സി ബി എസ് ഇ റീജ്യണല്‍ ഡയറക്ടറോടുള്ള കോടതിയുടെ ചോദ്യം. നിങ്ങള്‍ മൗനം പാലിക്കുന്നതു കൊണ്ട് ലാഭക്കൊതിയന്മാര്‍ മുതലെടുക്കുകയാണ്. ബ്രാന്‍ഡ് വാല്യു ഉള്ള നിങ്ങള്‍ കുട്ടികളെ ചൂഷണം ചെയ്യാന്‍ അനുവദിക്കുന്നത് എന്തിനാണെന്നും കോടതി സിംഗിള്‍ ബഞ്ച് ചോദിച്ചു. സ്‌കൂളിനെതിരെ സ്വീകരിച്ച നടപടി അറിയിക്കണമെന്നും ഇതുസംബന്ധിച്ച സത്യവാങ്മൂലം നല്‍കണമെന്നും കോടതി ആവശ്യപ്പെട്ടു.
ഡല്‍ഹിയിലിരിക്കുന്ന സി ബി എസ് ഇ അധികൃതര്‍ ഇവിടെ നടക്കുന്നതൊന്നും അറിയുന്നില്ല. വിദ്യാര്‍ഥികള്‍ക്ക് ഒരു വര്‍ഷം നഷ്ടപ്പെടാതെ പരീക്ഷയെഴുതുന്നതിനുള്ള സാധ്യതകള്‍ പരിശോധിക്കുന്നതിനായി പൊതു വിദ്യാഭ്യാസ ഡയറക്ടറെ ഹരജിയില്‍ കക്ഷി ചേര്‍ക്കാന്‍ കോടതി നിര്‍ദേശിച്ചു. മാതാപിതാക്കളുടെ പരാതിയില്‍ സ്‌കൂള്‍ മാനേജ്‌മെന്റിനെതിരെ പോലീസ് കേസെടുക്കുകയും മാനേജര്‍ ഉള്‍പ്പടെയുള്ളവരെ അറസ്റ്റ് ചെയ്യുകയും ചെയ്തിരുന്നു. ഈ സാഹചര്യത്തില്‍ പോലീസിനെക്കൂടി കക്ഷി ചേര്‍ക്കാന്‍ കോടതി നിര്‍ദേശിച്ചിട്ടുണ്ട്.
്
Latest
ശബരിമല സ്വര്‍ണപ്പാളി വിവാദം; ജസ്റ്റിസ് കെ ടി ശങ്കരന്‍ സ്‌ട്രോങ് റൂം പരിശോധനക്കായി വീണ്ടും സന്നിധാനത്തെത്തും
ട്രെയിന്‍ യാത്രക്കിടെ യുവതിയെ കത്തികാട്ടി ഭീഷണിപ്പെടുത്തി പീഡിപ്പിച്ചു; പണവും മൊബൈലും കവര്‍ന്നു
ബി ആർ ഷെട്ടി എസ് ബി ഐയ്ക്ക്‌ 46 ദശലക്ഷം ഡോളർ നൽകണം; ഡി ഐ എഫ് സി കോടതി വിധി
സജി ചെറിയാന്‍ സൂക്ഷിച്ച് സംസാരിക്കണം,തന്നോട് ഏറ്റ്മുട്ടാന്‍ വന്നവരാരും ജയിച്ചിട്ടില്ലെന്നും ജി സുധാകരന്‍; എ കെ ബാലനും മറുപടി
കെനിയന്‍ മുന്‍ പ്രധാനമന്ത്രി റെയില ഒടിങ്ക കൂത്താട്ടുകുളത്ത് അന്തരിച്ചു
അഗളിയില്‍ വന്‍ കഞ്ചാവ് വേട്ട; കൂട്ടിയിട്ട് കത്തിച്ച് പോലീസ്
