National
പൗരത്വ നിയമ ഭേദഗതി: ജാമിയക്കു സമീപം പ്രതിഷേധിച്ചവര്ക്കു നേരെ വെടിവെപ്പ്, വിദ്യാര്ഥിക്ക് പരുക്ക്
ന്യൂഡല്ഹി | ഡല്ഹി ജാമിയ മില്ലിയ ഇസ്ലാമിയ സര്വകലാശാലക്കു സമീപം പൗരത്വ നിയമ ഭേദഗതിക്കെതിരായ പ്രതിഷേധ പരിപാടിയില് പങ്കെടുക്കുകയായിരുന്നവര്ക്കു നേരെ അജ്ഞാതന് വെടിയുതിര്ത്തു. അക്രമത്തില് ഷദാബ് എന്ന വിദ്യാര്ഥിയുടെ കൈക്ക് പരുക്കേറ്റു. ഷദാബിനെ ജാമിയ നഗറിലെ ഹോളി ഫാമിലി ആശുപത്രിയില് പ്രവേശിപ്പിച്ചു. ഇയാള് അപകടനില തരണം ചെയ്തിട്ടുണ്ട്.
സംഭവത്തിന്റെ വീഡിയോ വാര്ത്താ ഏജന്സിയായ എ എന് ഐ പുറത്തു വിട്ടിട്ടുണ്ട്. “യെ ലോ ആസാദി” (ഇതാ പിടിച്ചോളൂ, നിങ്ങളുടെ സ്വാതന്ത്ര്യം) എന്നും ജയ് ശ്രീറാമെന്നും വെടിയുതിര്ത്തയാള് വിളിച്ചു പറയുന്നത് വീഡിയോ ദൃശ്യത്തിലുണ്ട്. കൂടാതെ ഇന്ത്യയില് കഴിയണമെങ്കില് വന്ദേമാതരം ചൊല്ലണമെന്ന് ഇയാള് മുന്നിലുള്ളവരോട് ആവശ്യപ്പെട്ടതായും ദൃക്സാക്ഷികള് അറിയിച്ചു. ഇയാളെ പോലീസ് അറസ്റ്റ് ചെയ്തു.
---- facebook comment plugin here -----