പൗരത്വ നിയമ ഭേദഗതി പാഠ്യപദ്ധതിയിൽ ഉൾപ്പെടുത്താനൊരുങ്ങി ലക്നോ സർവകലാശാല

ലക്‌നോ | പൗരത്വ ഭേദഗതി നിയമവുമായി ബന്ധപ്പെട്ട പാഠഭാഗം പാഠ്യപദ്ധതിയിൽ ഉൾപ്പെടുത്താനൊരുങ്ങി ലക്നോ സർവകലാശാല. പൊളിറ്റിക്കൽ സയൻസിന്റെ പാഠ്യപദ്ധതിയിൽ പൗരത്വ ഭേദഗതി സംബന്ധിച്ച പാഠം ഉൾപ്പെടുത്താനാണ് അധികൃതരുടെ തീരുമാനം. അടുത്ത അധ്യയന വർഷം മുതൽ പൗരത്വ ഭേദഗതി പാഠഭാഗമായി ഉൾപ്പെടുത്തും എന്നാണ് സൂചന. ഇന്ത്യൻ രാഷ്ട്രീയത്തിലെ സമകാലിക സംഭവങ്ങൾ എന്ന പേപ്പറിൽ ആകും ഇത് ഉൾപ്പെടുത്തുകയെന്ന് പൊളിറ്റിക്കൽ സയൻസ് വകുപ്പ് മേധാവി ശശി ശുക്ല പറഞ്ഞു.