അമേരിക്കന്‍ സൈന്യത്തെ ഇറാന്‍ പാര്‍ലമെന്റ് ഭീകര സംഘടനയായി പ്രഖ്യാപിച്ചു; പെന്റഗണ്‍ ഭീകര കേന്ദ്രം

ടെഹ്റാന്‍ |അമേരിക്കന്‍ സൈന്യത്തെ ഭീകരവാദ സംഘടനയാക്കി പ്രഖ്യാപിക്കുന്ന ബില്‍ ഇറാന്‍ പാര്‍ലമെന്റില്‍ പാസായി. മേജര്‍ ജനറല്‍ ഖാസിം സുലൈമാനിയെ യുഎസ് സൈന്യം വധിച്ചതിന് പിന്നാലെയാണ് ഇറാന്‍രെ നീക്കം. അമേരിക്കന്‍ പ്രതിരോധ ആസ്ഥാനമായ പെന്റഗണെ ഭീകര കേന്ദ്രമായും ഇറാന്‍ പാര്‍ലമെന്റ് പ്രഖ്യാപിച്ചു.

ഇതു സംബന്ധിച്ച പ്രമേയം ഐക്യകണ്‌ഠേനയാണ് പാസായത്. ചൊവ്വാഴ്ച രാവിലെയാണ് പാര്‍ലമെന്റില്‍ പ്രമേയം അവതരിപ്പിച്ചത്. ഇറാന്‍ സേനക്കായി 200 മില്യണ്‍ ഡോളര്‍ വകയിരുത്തുവാനും പാര്‍ലമെന്റ് തീരുമാനിച്ചിട്ടുണ്ട്.
വെള്ളിയാഴ്ച ബാഗ്ദാദ് വിമാനത്താവളത്തില്‍നിന്നും മടങ്ങവെയാണ് വ്യാമാക്രമണത്തിലൂടെയാണ് ഖാസിം സുലൈമാനിയടങ്ങുന്ന സംഘത്തെ യുഎസ് വധിച്ചത്. ഇതിനെതിരെ ശക്തമായ തിരിച്ചടിയുണ്ടാകുമെന്ന് ഇറാന്‍ മുന്നറിയിപ്പ് നല്‍കിയിട്ടുണ്ട്.