ബ്രിട്ടീഷ് ചാരന്‍മാരായിരുന്നവര്‍ കോണ്‍ഗ്രസ് പാരമ്പര്യം ചോദ്യം ചെയ്യുന്നു: അശോക് ഗെഹ്‌ലോട്ട്

ജയ്പൂര്‍ |  കോണ്‍ഗ്രസിന്റെ 135-ാം ജന്മദിനത്തില്‍ ബി ജെ പിക്കും സംഘ്പപരിവാറിനുമെതിരെ കടുത്ത വിമര്‍ശനവുമായി രാജസ്ഥാന്‍ മുഖ്യമന്ത്രി അശോക് ഗെഹ്‌ലോട്ട്. സ്വാതന്ത്ര്യ സമരകാലത്ത് ബ്രിട്ടീഷ് ചാരന്മാരായിരുന്നവരാണ് ഇപ്പോള്‍ കോണ്‍ഗ്രസിന്റെ പാരമ്പര്യം ചോദ്യം ചെയ്തുവന്നതെന്ന് ഗെഹ്ലോട്ട് പരിഹസിച്ചു.

ജനാധിപത്യം ഭീഷണി നേരിടുകയും ജനാധിപത്യ ശബ്ദങ്ങള്‍ക്ക് നേരെ ബഹുമാനമില്ലാതെ പ്രവര്‍ത്തിക്കുകയും ചെയ്യുന്ന അന്തരീക്ഷമാണ് രാജ്യത്തിപ്പോഴുള്ളത്. കോണ്‍ഗ്രസിന്റെ പാരമ്പര്യം ശക്തമാണ്. അത് അഭിമാനത്തോടൊപ്പം ചേര്‍ന്നതാണ്. രാജ്യമൊട്ടാകെ അതില്‍ അഭിമാനിക്കുന്നു. പ്രധാനമന്ത്രി മോദി നമ്മുടെ പാരമ്പര്യത്തെ കുറിച്ചും പറയുന്നതെന്ന് എന്തെന്ന് നമ്മള്‍ അറിയണമെന്നും ഗെഹ്ലോട്ട് പറഞ്ഞു.