Gulf
പുതുവത്സരത്തെ വരവേല്‍ക്കാനൊരുങ്ങി അബുദാബി
അബുദാബി | പുതുവത്സരത്തെ വരവേല്‍ക്കാന്‍ യു എ ഇ തലസ്ഥാനമായ അബുദാബി ഒരുങ്ങി. 2020നെ വരവേല്‍ക്കുന്നതിന് വിപുലമായ പരിപാടികളാണ് സാംസകാരിക വകുപ്പിന്റെ കീഴില്‍ ആസൂത്രണം ചെയ്തിട്ടുള്ളത്. ഏറെ പ്രതീക്ഷയോടെ കാത്തിരിക്കുന്ന മെഗാസ്റ്റാര്‍ ബ്രൂണോ മാര്‍സിന്റെ രണ്ട് ദിവസത്തെ സംഗീത കച്ചേരി, അറബി കലാകാരന്മാരുടെ കലാ പ്രകടങ്ങള്‍ എന്നിവ പുതുവത്സര ആഘോഷത്തിന്റെ ഭാഗമായി അബുദാബി അല്‍ മറിയ ദ്വീപില്‍ അരങ്ങേറും. ലോകമെമ്പാടും അറിയപ്പെടുന്ന മള്‍ട്ടിപ്ലാറ്റിനം ഗായകനും ഗാനരചയിതാവുമായ ബ്രൂണോ മാര്‍സ് സംഗീത കച്ചേരി അവതരിപ്പിക്കും.
മുബാദല അല്‍ മരിയ ദ്വീപില്‍ സംഘടിപ്പിക്കുന്ന സംഗീതകച്ചേരികളില്‍ ഈജിപ്ഷ്യന്‍ സൂപ്പര്‍ സ്റ്റാര്‍ തമര്‍ ഹോസ്‌നി, ലെബനന്‍ സെന്‍സേഷന്‍ നാന്‍സി അജ്രം എന്നിവരുടെ പ്രകടനങ്ങള്‍ അറബി സംഗീത ആരാധകരെ ആനന്ദിപ്പിക്കും. അബുദാബി കോര്‍ണിഷില്‍ അര്‍ദ്ധരാത്രി സ്‌കൈ ടവറുകള്‍ ഉപയോഗിച്ച് നടത്തുന്ന കരിമരുന്ന് പ്രയോഗം 10 മിനിട്ട് നീണ്ടു നില്‍ക്കും.
നഗരത്തില്‍ നടക്കുന്ന പുതുവത്സര ആഘോഷം പൂര്‍ണമായും സൗജന്യമായിരിക്കുമെന്ന് അബുദാബി സാംസ്‌കാരിക വകുപ്പ് വ്യക്തമാക്കി. പുതുവത്സരം ആഘോഷിക്കാന്‍ ആഗ്രഹിക്കുന്നവര്‍ക്ക് അബുദാബി അനുയോജ്യ സ്ഥലമായിരിക്കുമെന്ന് അബുദാബി ഡിസിടി ടൂറിസം ആന്‍ഡ് മാര്‍ക്കറ്റിംഗ് ആക്ടിംഗ് എക്‌സിക്യൂട്ടീവ് ഡയറക്ടര്‍ അലി ഹസ്സന്‍ അല്‍ ഷൈബ പറഞ്ഞു. നഗരത്തിലെ മുശ്രിഫ് മാള്‍, അല്‍ വഹ്ദ മാള്‍, ഖാലിദിയ മാള്‍ എന്നിവിടങ്ങളിലും പുതുവത്സരാഘോഷം ഒരുക്കിയിട്ടുണ്ട്.
Latest
കല്‍പ്പറ്റയില്‍ വാഹനാപകടം; യുവാവ് മരിച്ചു
യുവാവിനെ തട്ടിക്കൊണ്ടുപോയി മര്‍ദിച്ച ശേഷം ഉപേക്ഷിച്ചു; മൂന്നുപേര്‍ പോലീസ് പിടിയില്‍
സംസ്ഥാനത്ത് നീതിയുക്തമായ തിരഞ്ഞെടുപ്പ് നടന്നില്ല: വി ഡി സതീശന്‍
അന്താരാഷ്ട്ര ഫുട്‌ബോളില്‍ ഈ വര്‍ഷം കൂടി മാത്രം; വിരമിക്കലിനൊരുങ്ങി മാര്‍ത്ത
സല്‍മാന്‍ ഖാന്റെ വസതിക്കു നേരെ വെടിവെപ്പ്: പ്രതികളെ ചോദ്യം ചെയ്ത് എന്‍ ഐ എ
സംസ്ഥാനത്ത് മൂന്ന് ജില്ലകളില്‍ മൂന്ന് ദിവസം ഉഷ്ണതരംഗ മുന്നറിയിപ്പ്; 12 ജില്ലകളില്‍ മഞ്ഞ ജാഗ്രത
