Ongoing News
പ്രവാചക നഗരിയോട് വിട ചൊല്ലി ഇന്ത്യയില്‍ നിന്നുള്ള ആദ്യ ഹജ്ജ് സംഘം മക്കയിലെത്തി
മക്ക: ഇന്ത്യയില്‍ നിന്നും ഈ വര്‍ഷത്തെ വിശുദ്ധ ഹജ്ജ് കര്‍മത്തിനെത്തിയ ഹാജിമാര്‍ മക്കയിലെത്തി. മദീനയില്‍ നിന്നും എട്ട് ദിവസത്തെ സന്ദര്‍ശനം പൂര്‍ത്തിയാക്കിയ 5038 ഹാജിമാരാണ് അര്‍ദ്ധരാത്രിയോടെ മക്കയിലെത്തിയത്.
തീര്‍ഥാടകരെ കോണ്‍സുല്‍ ജനറല്‍ മുഹമ്മദ് നൂര്‍റഹ്മാന്‍ ഷെയ്ഖ്, ഹജജ് കോണ്‍സല്‍ വൈ. സാബിര്‍ മറ്റ് മുതിര്‍ന്ന ഉദ്യോഗസ്ഥരും മക്കയിലെ ഇന്ത്യന്‍ ഹജ്ജ് വളണ്ടിയര്‍ സംഘങ്ങളും ചേര്‍ന്ന് സ്വീകരിച്ചു. ബസ് മാര്‍ഗമാണ് ഹാജിമാര്‍ മദീനയില്‍ നിന്നും മക്കയിലെത്തിയത്. വരും ദിവസങ്ങളില്‍ കൂടുതല്‍ തീര്‍ഥാടകര്‍ മക്കയിലെത്തിച്ചേരും.
ഈ വര്‍ഷം ഒരുലക്ഷത്തിലധികം ഇന്ത്യന്‍ ഹാജിമാര്‍ക്ക് അസീസിയ്യയിലാണ് താമസ സൗകര്യം ഒരുക്കിയിരിക്കുന്നത്, ഇവര്‍ക്ക് മസ്ജിദുല്‍ ഹറാമിലേക്ക് പോവുന്നതിന് 24 മണിക്കൂറും വാഹനസൗകര്യം ഇന്ത്യന്‍ ഹജ്ജ് മിഷന്‍ ഒരുക്കിയിട്ടുണ്ട്. ഇവര്‍ക്ക് റൂമുകളില്‍ വെച്ച് ഭക്ഷണം പാകം ചെയ്യുന്നതിനുള്ള സൗകര്യവും ഉണ്ട്.
15,772 ഹാജിമാര്‍ ഗ്രീന്‍ കാറ്റഗറിയില്‍ മസ്ജിദുല്‍ ഹറമിന് സമീപത്താണ് താമസ സൗകര്യം ഒരുക്കിയിരിക്കുന്നത് ഇവര്‍ക്ക് ഭക്ഷണം സ്വന്തം നിലയില്‍ പാചകം ചെയ്യാന്‍ അനുമതിയില്ല. ഭക്ഷണത്തിനായി ഇവര്‍ പരിസരത്തെ ഹോട്ടലുകളെ ആശ്രയിക്കേണ്ടിവരും.
തീര്‍ഥാടകരുടെ സേവങ്ങള്‍ക്കായി ഐ സി എഫ്, ആര്‍ എസ് സി അടക്കമുള്ള നിരവധി മലയാളി വളണ്ടിയര്‍ സംഘങ്ങള്‍ രംഗത്തുണ്ട്.
Latest
ഭാര്യയെ വെട്ടിക്കൊലപ്പെടുത്തിയ ശേഷം ഭര്‍ത്താവ് ആത്മഹത്യ ചെയ്തു
കോണ്‍ഗ്രസിന്റെ പത്ര പരസ്യത്തിനെതിരെ തിരഞ്ഞെടുപ്പ് കമ്മീഷന് പരാതി നല്‍കി ബി.ജെ.പി
ആലത്തൂരില്‍ വടിവാളെന്ന് രമ്യാ ഹരിദാസ്; ബോര്‍ഡുകള്‍ അഴിച്ചുമാറ്റിയ ആയുധമെന്ന് സി പി എം
വയനാട്ടില്‍ ബി ജെ പി വ്യാപകമായി ഭക്ഷ്യക്കിറ്റുകള്‍ വിതരണം ചെയ്യുന്നതായി ടി സിദ്ധിഖ് എം എല്‍ എ
ബിഹാറില്‍ ജെ ഡി യു നേതാവിനെ ബൈക്കിലെത്തിയവര്‍ വെടിവച്ചു കൊന്നു
തെരഞ്ഞെടുപ്പ് ഡ്യൂട്ടിക്ക് പോയ ഉദ്യോഗസ്ഥന്‍ പുലര്‍ച്ചെ കാറിടിച്ച് മരിച്ചു
