Sports
കേരള ബ്ലാസ്‌റ്റേഴ്‌സ് ബ്രൗണിന് പിറകെ
മുംബൈ: കേരള ബ്ലാസ്‌റ്റേഴ്‌സ് ഇതില്‍ കൂടുതല്‍ നാണം കെടാനില്ല. ഐ എസ് എല്ലില്‍ ഒമ്പതാം സ്ഥാനം, ഇന്ത്യന്‍ സൂപ്പര്‍ കപ്പില്‍ ആരോസിന്റെ യുവ ഇന്ത്യന്‍ നിരയോട് തോറ്റ് പുറത്താകല്‍. റെനോ വിന്‍ഗാദ എന്ന പരിശീലകന് കീഴില്‍ തോല്‍ക്കാന്‍ മാത്രം ശീലിച്ച ബ്ലാസ്‌റ്റേഴ്‌സിന്റെ അടുത്ത പദ്ധതിയെന്താണ്? മഞ്ഞപ്പടയുടെ ആരാധകരെല്ലാം പിന്‍വലിഞ്ഞു തുടങ്ങിയതോടെ ക്ലബ്ബ് പുതിയ പരിശീലകനെ തേടുകയാണ്.
എഫ് സി പൂനെ സിറ്റിയുടെ ഫില്‍ ബ്രൗണിനെയാണ് ക്ലബ്ബ് മാനേജ്‌മെന്റ് നോട്ടമിട്ടിരിക്കുന്നത്. ചര്‍ച്ചകള്‍ നടക്കുന്നതായി സൂചനകളുണ്ട്. കഴിഞ്ഞ സീസണില്‍ പൂനെ സിറ്റിയെ അവസാന ആറ് മത്സരങ്ങളിലാണ് ഫില്‍ ബ്രൗണ്‍ പരിശീലിപ്പിച്ചത്.
22 പോയിന്റുമായി ഏഴാം സ്ഥാനത്ത് ഫിനിഷ് ചെയ്യാന്‍ പൂനെ സിറ്റിക്ക് സാധിച്ചത് ബ്രൗണിന്റെ വരവായിരുന്നു. ബ്ലാസ്റ്റേഴ്സിന് സീസണില്‍ 15 പോയിന്റ് മാത്രമാണ് നേടാനായത്.
ആദ്യ മൂന്ന് സീസണിലുണ്ടായിരുന്ന ആരാധകവൃന്ദത്തെ ഇതോടെ ബ്ലാസ്റ്റേഴ്സിന് നഷ്ടമായി. അറുപതിനായിരം കാണികള്‍ എത്തിയിരുന്ന ഹോം മാച്ചിന് നാലായിരം പേരെ തികച്ച് കിട്ടാത്ത അവസ്ഥയായി. ബ്രാന്‍ഡ് വാല്യു ഇടിഞ്ഞതോടെ ബ്ലാസ്‌റ്റേഴ്‌സ് പ്രതാപം വീണ്ടെടുക്കാനുള്ള പരിശ്രമത്തിലാണ്.
Latest
കിംഗ് സല്‍മാന്‍ ഗേറ്റ്: മക്കയുടെ മുഖച്ഛായ മാറ്റുന്ന പദ്ധതിക്ക് തുടക്കം
സഊദിയില്‍ വന്‍ മയക്കുമരുന്ന് ശേഖരം പിടികൂടി: നാലുപേര്‍ അറസ്റ്റില്‍
മഞ്ചേശ്വരം തിരഞ്ഞെടുപ്പ് കോഴക്കേസ്: കെ സുരേന്ദ്രന് ഹൈക്കോടതി നോട്ടീസ്
ഷാഫിക്ക് പരുക്കേറ്റതിനു പിന്നില്‍ യു ഡി എഫ്; കൊല്ലാനും കലാപമുണ്ടാക്കാനുമായിരുന്നു ശ്രമം: ടി പി രാമകൃഷ്ണന്‍
കെ ജെ ഷൈനിനെതിരായ സൈബര്‍ ആക്രമണം: കോണ്‍ഗ്രസ്സ് നേതാവ് സി കെ ഗോപാലകൃഷ്ണനെ അറസ്റ്റ് ചെയ്തു; ജാമ്യത്തില്‍ വിട്ടു
സ്വർണവില ഉച്ചക്ക് ശേഷം വീണ്ടും കൂടി; ഇന്ന് ആകെ വർധന 800 രൂപ; ഒരു പവൻ വില ₹94,520
