Ongoing News
തൃണമൂല്‍ സ്ഥാനാര്‍ഥി പട്ടിക പ്രഖ്യാപിച്ചു; 41 ശതമാനം വനിതാ പ്രാതിനിധ്യം
കൊല്‍ക്കത്ത: പശ്ചിമ ബംഗാളില്‍ തൃണമൂല്‍ കോണ്‍ഗ്രസ് പ്രഖ്യാപിച്ച സ്ഥാനാര്‍ഥി പട്ടികയില്‍ 41 ശതമാനത്തോളം വനിതകള്‍. 42 ലോക്‌സഭാ സീറ്റുകളിലേക്കുള്ള പട്ടികയില്‍ 17 വനിതകളാണ് ഇടംനേടിയത്. നിലവിലെ പത്ത് എം പിമാരെ ഒഴിവാക്കിയുള്ള പട്ടികയാണ് പാര്‍ട്ടി അധ്യക്ഷ മമത ബാനര്‍ജി പ്രഖ്യാപിച്ചത്.
കഴിഞ്ഞ തവണ ബാങ്കുറ മണ്ഡലത്തില്‍ സി പി എം നേതാവ് ബസുദേവ് ആചാര്യയെ തറപറ്റിച്ച സിനിമാ താരം മൂണ്‍ മൂണ്‍ സെന്‍ ഇപ്രാവശ്യം അസന്‍സോളില്‍ മത്സരിക്കും. നടിമാരായ ശതാബ്ദി റോയി (ബിര്‍ബും), മിമി ചക്രവര്‍ത്തി (ജാദവ്പൂര്‍), നുസ്‌റത്ത് ജഹാന്‍ (ബസിര്‍ഹാത്) എന്നിവരും മത്സര രംഗത്തുണ്ട്.
ദേശീയ ഫുട്‌ബോള്‍ ടീമിന്റെ മുന്‍ നായകന്‍ പ്രസൂണ്‍ ബാനര്‍ജി ഹൗറയില്‍ നിന്ന് വീണ്ടും മത്സരിക്കും. ഒഡിഷ, അസം, ഝാര്‍ഖണ്ഡ്, ബിഹാര്‍ എന്നീ സംസ്ഥാനങ്ങളിലെ ചില മണ്ഡലങ്ങളിലും ആന്‍ഡമാനിലും പാര്‍ട്ടി മത്സരിക്കുമെന്ന് സ്ഥാനാര്‍ഥി പട്ടിക പുറത്തിറക്കി മാധ്യമങ്ങളോടു സംസാരിക്കവെ മമത ബാനര്‍ജി വ്യക്തമാക്കി.
Latest
തെരഞ്ഞെടുപ്പ് ഡ്യൂട്ടിക്ക് പോയ ഉദ്യോഗസ്ഥന്‍ പുലര്‍ച്ചെ കാറിടിച്ച് മരിച്ചു
കേരളത്തില്‍ ഉയര്‍ന്ന താപനില തുടരുന്നു; പാലക്കാട് ഉഷ്ണതരംഗ മുന്നറിയിപ്പ്
കേരളത്തില്‍ ഇന്നു നിശ്ശബ്ദ പ്രചാരണം; നാളെ ബൂത്തിലേക്ക്
മതത്തിന്റെ പേരില്‍ വോട്ടു തേടല്‍; നരേന്ദ്ര മോദിക്ക് ക്ലീന്‍ ചിറ്റ് നല്‍കി തെരഞ്ഞെടുപ്പ് കമ്മീഷന്‍
ചുഴിയില്‍ കരുതല്‍;വോട്ടില്‍ കണ്ണ്‌
വയനാട്ടില്‍ വോട്ട് പിടിക്കാന്‍ ഭക്ഷ്യ കിറ്റുകള്‍; പോലീസ് പിടികൂടി
