National
അജ്മീര്‍ ഉറൂസില്‍ ഇന്ത്യന്‍ ഗ്രാന്‍ഡ് മുഫ്തി മുഖ്യാതിഥി
ന്യൂഡല്‍ഹി: ദക്ഷിണേഷ്യയിലെ ഏറ്റവും വലിയ ആത്മീയ മഹാസമ്മേളനങ്ങളിലൊന്നായ അജ്മീര്‍ ദര്‍ഗ ഉറൂസില്‍ ഇന്ത്യന്‍ ഗ്രാന്‍ഡ് മുഫ്തി കാന്തപുരം എ.പി അബൂബക്കര്‍ മുസ്ലിയാര്‍ മുഖ്യാതിഥി. നാളെ ബുധനാഴ്ച രാജസ്ഥാനിലെ അജ്മീര്‍ ശരീഫില്‍ നടക്കുന്ന ഉറൂസ് മഹാസമ്മേളനത്തില്‍ കാന്തപുരം ഗരീബ് നവാസ് ഖാജാ മുഈനുദ്ധീന് ചിശ്തി അനുസ്മരണ പ്രഭാഷണം നടത്തും. തുടര്‍ന്നു പ്രമുഖ പണ്ഡിതന്മാരുടെയും അജ്മീര്‍ ദര്‍ഗ ഭാരവാഹികളുടെയും നേതൃത്വത്തില്‍ ഗ്രാന്‍ഡ് മുഫ്തിയായി തിരഞ്ഞെടുക്കപ്പെട്ട കാന്തപുരത്തെ ആദരിക്കും.
ഖാജാ മുഈനുദ്ധീന് ചിശ്തിയുടെ അന്ത്യവിശ്രമ കേന്ദ്രമാണ് അജ്മീര്‍ ദര്‍ഗ. അദ്ദേഹത്തിന്റെ എണ്ണൂറ്റിഏഴാമത് ഉറൂസാണ് അജ്മീറില്‍ നടക്കുന്നത്. ലോകത്തിന്റെ വിവിധ ഭാഗങ്ങളില്‍ നിന്നുള്ള ലക്ഷക്കണക്കിന് വിശ്വാസികള്‍ ചടങ്ങുകളില്‍ സംബന്ധിക്കാന്‍ അജ്മീറില്‍ എത്തിയിട്ടുണ്ട്. ജാതിമത ഭേദമന്യേ തീര്‍ത്ഥാടകര്‍ വരുന്ന കേന്ദ്രം എന്ന നിലയില്‍ അജ്മീര്‍ ലോകപ്രശസ്തമാണ്.
ഉറൂസില്‍ സംബന്ധിക്കാന്‍ രാജസ്ഥാനില്‍ എത്തിയ കാന്തപുരത്തെ ദര്‍ഗ പ്രസിഡന്റ് അമീന്‍ പത്താന്‍, ദര്‍ഗ വൈസ് പ്രസിഡന്റ് ബാബര്‍ മിയ അഷ്റഫ് എന്നിവരുടെ നേതൃത്വത്തില്‍ അധികൃതര്‍ സ്വീകരിച്ചു.
Latest
അടുത്ത അഞ്ചു ദിവസം കാറ്റും മഴയും
അഹമ്മദാബാദ് വിമാന ദുരന്തത്തിനു കാരണം ഇന്ധന നിയന്ത്രണ സ്വിച്ച് ഓഫ് ആയതെന്ന് പ്രാഥമിക അന്വേഷണ റിപ്പോര്‍ട്ട്
പാര്‍ട്ടിക്കുമേലെ വളരാന്‍ ശ്രമിക്കുന്ന വി ടി ബല്‍റാമിനെ പിടിച്ചു പുറത്താക്കണമെന്ന് ആവശ്യം
മഴ നനയാതിരിക്കാന്‍ ടിപ്പര്‍ ലോറിക്കു സമീപം നിന്ന യുവാവ് അപകടത്തില്‍ മരിച്ചു
ഓണ്‍ലൈന്‍ വഴി മയക്കുമരുന്നു വില്‍പ്പന നടത്തുന്ന യുവാവും യുവതിയും പിടിയില്‍
ബി ജെ പി ഭാരവാഹി പട്ടിക: പുതുതായി ചേക്കേറിയവര്‍ താക്കോല്‍ സ്ഥാനങ്ങളില്‍; പരമ്പരാഗത സംഘപരിവാറുകാര്‍ക്ക് അതൃപ്തി
