International
പുല്‍വാമ ഭീകരാക്രമണം: പാക്കിസ്ഥാന് മുന്നറിയിപ്പുമായി അമേരിക്ക
വാഷിംഗ്ടണ്‍: പുല്‍വാമ ഭീകരാക്രമണത്തിന്റെ പശ്ചാത്തലത്തില്‍ പാക്കിസ്ഥാന് മുന്നറിയിപ്പുമായി അമേരിക്ക. ഭീകരര്‍ക്ക് സുരക്ഷിത താവളം ഒരുക്കുന്നതും അവര്‍ക്ക് പിന്തുണ നല്‍കുന്നതുമായ നടപടി അടിയന്തരമായി അവസാനിപ്പിക്കണമെന്ന് പാക്കിസ്ഥാനോട് യുഎസ് ആവശ്യപ്പെട്ടു.
മേഖലയില്‍ ഭീകരപ്രവര്‍ത്തനവും കുഴപ്പങ്ങളും ആക്രമണങ്ങളും സംഘടിപ്പിക്കുക എന്ന ലക്ഷ്യത്തോടെ പാക് മണ്ണ് ഉപയോഗപ്പെടുത്തി പ്രവര്‍ത്തിക്കുന്ന എല്ലാ ഭീകരസംഘടനകള്‍ക്കും പിന്തുണ നല്‍കുന്ന നടപടി പാക്കിസ്ഥാന് അവസാനിപ്പിക്കണമെന്ന് വൈറ്റ്ഹൗസ് പ്രസ് സെക്രട്ടറി സാറാ സാന്‍ഡേഴ്‌സ് പുറത്തിറക്കിയ പ്രസ്താവനയില്‍ പറഞ്ഞു. ഈ ആക്രമണം ഇന്ത്യയും യുഎസും തമ്മിലുള്ള ഭീകരവാദ വിരുദ്ധ സഹകരണത്തെയും ഏകോപനത്തെയും ശക്തിപ്പെടുത്തുക മാത്രമാണ് ചെയ്തിരിക്കുന്നതെന്നും സാറാ സാന്‍ഡേഴ്‌സ് പ്രസ്താവനയില്‍ ചൂണ്ടിക്കാട്ടി.
പാക്കിസ്ഥാന് ആസ്ഥാനമായി പ്രവര്‍ത്തിക്കുന്ന ജെയ്‌ഷെ മുഹമ്മദ് എന്ന സംഘടന ആക്രമണത്തിന്റെ ഉത്തരവാദിത്വം ഏറ്റെടുത്ത് രംഗത്തെത്തിയിരുന്നു. ഇതിന് പിന്നാലെയാണ് അമേരിക്കയുടെ പ്രതികരണം.
Latest
ആദ്യഘട്ടം തെരഞ്ഞെടുപ്പിനിടെ സ്ഫോടനം; കേന്ദ്രസേന ഉദ്യോഗസ്ഥന് വീരമൃത്യു
പ്രിയങ്ക ഗാന്ധി ഇന്ന് കേരളത്തില്; നാല് പരിപാടികളില് പങ്കെടുക്കും
രാഹുല് ഗാന്ധിയുടെ പരിപാടിയില് ലീഗ് കൊടി ഉയര്ത്തി; വണ്ടൂരില് സംഘര്ഷം
കോട്ട തിരിച്ചുപിടിക്കാൻ യാദവ കുടുംബം ഒറ്റക്കെട്ട്
റെഡ്ഢിമാരും റാവുമാരും ഉഴുതുമറിച്ച തെലുങ്ക് മണ്ണ്
ആറ്റിങ്ങല്: ത്രികോണ തരംഗം
