Kerala
കരിപ്പൂരില്‍ നിന്ന് ഡല്‍ഹിക്ക് നേരിട്ട് വിമാന സര്‍വീസ് വരുന്നു; മാര്‍ച്ച് 31 ന് ആരംഭിക്കും
കോഴിക്കോട്: കരിപ്പൂരില്‍ നിന്ന് ഡല്‍ഹിയിലേക്ക് നേരിട്ടുള്ള വിമാന സര്‍വീസ് മാര്‍ച്ച് 31 മുതല്‍ ആരംഭിക്കും. ഇന്‍ഡിഗോ എയര്‍ലൈനാണ് സര്‍വീസ് നടത്തുക. മുന്‍പ് കോയമ്പത്തൂര്‍ വഴി ചുറ്റി വളഞ്ഞ് പോയിരുന്ന സര്‍വീസിന് പകരമാണ് നേരിട്ടുള്ള ഡല്‍ഹി സര്‍വീസ്. സര്‍വീസ് ആരംഭിക്കുന്നതോടെ രാജ്യ തലസ്ഥാനത്തേക്ക് വളരെ വേഗം എത്താനുള്ള അവസരമാണ് ലഭിക്കുകയെന്ന് എംകെ രാഘവന്‍ എംപി പറഞ്ഞു.
നേരിട്ട് ഡല്‍ഹി സര്‍വീസ് ആരംഭിക്കുന്നതിനായി ഇടപണമെന്ന് നിരവധി പേര്‍ ആവശ്യമുന്നയിച്ചിരുന്നു. ഇത് പ്രവാസി സംഘടനകളേയും ജനപ്രതിനിധികളേയും വ്യോമയാന മന്ത്രാലയത്തേയും അറിയിച്ചിരുന്നു. ഇതിന് പുറമെ കരിപ്പൂരില്‍ നിന്ന് തെക്ക്കിഴക്കന്‍ ഏഷ്യന്‍ രാജ്യങ്ങളിലേക്കുള്ള സര്‍വീസ് ആരംഭിക്കാനുള്ള ശ്രമം തുടരുകയാണ്. എയര്‍ ഇന്ത്യയുടെ വലിയ വിമാനങ്ങളുടെ സര്‍വീസ് ഉടന്‍ ആരംഭിക്കും. ഇക്കാര്യത്തില്‍ ഡിജിസിഎ, എയര്‍ പോര്‍ട്ട് അതോറിറ്റി ഓഫ് ഇന്ത്യ എന്നിവര്‍ ഉറപ്പ് നല്‍കിയിട്ടുണ്ട്.
എമിറേറ്റ്‌സ്, കുവൈറ്റ് എയര്‍ലൈന്‍ സര്‍വീസുകള്‍ക്കായി ശക്തമായ ശ്രമത്തിലാണ്. ഈ സര്‍വീസുകള്‍ വരുന്നതോടെ മലബാറിന്റെ കാര്‍ഷിക വാണിജ്യ മേഖലകള്‍ക്കും ഉണര്‍വുണ്ടാവുമെന്നും എംപി കൂട്ടിച്ചേര്‍ത്തു.
Latest
ആശങ്ക വേണ്ട കരുതലുണ്ട്; വില സ്ഥിരതയാണ് മുന്‍ഗണന: ലുലു ഗ്രൂപ്പ്
ദുരിതബാധിതരുടെ കണ്ണിരൊപ്പാനായി മലയാളി സന്നദ്ധ സംഘങ്ങള്‍ രംഗത്ത്
തങ്ങളെ മറന്ന നാട്ടുകാരോട് പരിഭവം പറഞ്ഞ് പ്രവാസികള്‍: പിന്തുണ അറിയിച്ച് മുഖ്യമന്ത്രി
കേരള സര്‍വകലാശാല പ്രഭാഷണം: ജോണ്‍ ബ്രിട്ടാസ് എം പിയോട് തെരഞ്ഞെടുപ്പ് കമ്മിഷന്‍ വിശദീകരണം തേടി
ജെ എസ് സിദ്ധാര്‍ത്ഥന്റെ മരണം: കേസ് സി ബി ഐ കോടതിയിലേക്ക് മാറ്റി
നവകേരള ബസ് അന്തര്‍ സംസ്ഥാന സര്‍വീസിനായി ഉപയോഗിക്കും
