Kerala
കെ എസ് ആര്‍ ടി സിയെ ചങ്കാക്കിയ പെണ്‍കുട്ടിയെ കണ്ടെത്തി; ബസിനിപ്പോള്‍ പേരും 'ചങ്ക്'
തിരുവനന്തപുരം: “”അത് ഞങ്ങളുടെ ചങ്ക് വണ്ടിയായിരുന്ന സാറെ, അത് പോയതില്‍ ഞങ്ങള്‍ക്ക് ഭയങ്കര സങ്കടമുണ്ട്. ഞങ്ങള്‍ക്ക് സഹിക്കാന്‍ പറ്റില്ല. അത്രക്ക് ദാരിദ്ര്യമാണോ സാര്‍ ആലുവ ഡിപ്പോയില്‍”” ആലുവ കെ എസ് ആര്‍ ടി സി ഡിപ്പോയിലെ ഇന്‍സ്‌പെക്ടര്‍ സി ടി ജോണി ഒരു ദിവസം ഓഫീസിലേക്ക് വന്ന ഫോണ്‍ അറ്റന്‍ഡ് ചെയ്തപ്പോള്‍ കേട്ടതിതൊക്കെയാണ്. കെ എസ് ആര്‍ ടി സി കട്ട ഫാനാണെന്ന് പറഞ്ഞു വിളിച്ച പെണ്‍കുട്ടിയുടെ ഫോണ്‍കാള്‍ സോഷ്യല്‍ മീഡിയയില്‍ വൈറലായിരിക്കുകയാണ്. ഫോണ്‍കോളില്‍ പേരു വെളിപ്പെടുത്താതിരുന്ന പെണ്‍കുട്ടി കെ എസ് ആര്‍ ടി സി എം ഡി ടോമിന്‍ തച്ചങ്കരിയെ സന്ദര്‍ശിച്ചപ്പോഴാണ് കെ എസ് ആര്‍ ടി സിയുടെ കട്ട ഫാന്‍ കോട്ടയത്തെ വിദ്യാര്‍ഥിയായ റോസ്‌മേരിയാണെന്ന് മനസ്സിലായത്.
റോസ്‌മേരിയും കൂട്ടുകാരിയും കെ എസ് ആര്‍ ടി സി എംഡി ടോമിന്‍ തച്ചങ്കരിയെ സന്ദര്‍ശിച്ചപ്പോള്‍
ഈരാറ്റുപേട്ട ഡിപ്പോയിലെ ആര്‍എസ്‌സി 140 വേണാട് ബസ് ആലുവ ഡിപ്പോയിലേക്ക് മാറ്റിയതിനെതിരെ പരാതി പറയാന്‍ വേണ്ടിയാണ് ഫോണ്‍ വിളിച്ചത്. ഈരാറ്റുപേട്ട-കൈപ്പള്ളി-കോട്ടയം-കട്ടപ്പന ലിമിറ്റഡ് സ്‌റ്റോപ്പായി സര്‍വീസ് നടത്തിയിരുന്ന ബസാണ് ആര്‍എസ്‌സി 140 വേണാട്. ഫോണ്‍വിളി സമൂഹമാധ്യമങ്ങളില്‍ വൈറലായതോടെയാണ് പെണ്‍കുട്ടി താരമായത്. ഏതായാലും ബസ് ഈരാറ്റുപേട്ടയിലേക്ക് തിരികെയെത്തി. പിന്നാലെ ബസിന് ചങ്ക് എന്ന് പേരു നല്‍കാനും കെ എസ് ആര്‍ ടി സി. എം ഡി ടോമിന്‍ തച്ചങ്കരി നിര്‍ദ്ദേശവും നല്‍കി. റോസ്‌മേരി ചൊവ്വാഴ്ച്ചയാണ് കെ എസ് ആര്‍ ടി സി എംഡിയെ സന്ദര്‍ശിച്ചത്. കൂടെ ഫോണ്‍വിളിയില്‍ സഹായിച്ച കൂട്ടുകാരിയുമുണ്ടായിരുന്നു.
കെ എസ് ആര്‍ ടി സിയുടെ വലി ഫാനായ താന്‍ സ്ഥിരം യാത്ര ചെയ്യുന്ന വണ്ടിയാണ് ആര്‍ എസ് സി 140 വേണാട്. ഒരുപാട് നല്ല ഓര്‍മകളുള്ളതിനാല്‍ അത് നഷ്ടപ്പെടുന്ന കാര്യം ചിന്തിക്കാനേ കഴിഞ്ഞില്ല. ആ ഭയത്താലാണ് ഡിപ്പോയിലേക്ക് വിളിച്ച് പരാതിപ്പെട്ടത്. സംഭാഷണം വൈറലാകുമെന്ന് വിചാരിച്ചതേയില്ലെന്നും റോസ്‌മേരി മാധ്യമങ്ങളോട് പറഞ്ഞു.
ഒരാഴ്ച മുമ്പാണ് ഡിപ്പോയിലേക്ക് റോസ്‌മേരിയുടെ ഫോണ്‍കാള്‍ വന്നത്. ആരോടാണ് പരാതി പറയേണ്ടത് അറിയില്ലെന്നു പറഞ്ഞ റോസ്‌മേരിക്ക് ഫോണ്‍ അറ്റന്‍ഡ് ചെയ്ത ഡിപ്പോയിലെ ഇന്‍സ്‌പെക്ടര്‍ സി ടി ജോണി ആശ്വസകരമായ മറുപടിയും പെണ്‍കുട്ടിക്ക് നല്‍കിയിരുന്നു. മാതൃകാപരമായ ജോണിയുടെ മറുപടിക്ക് കെ എസ് ആര്‍ ടി സിയുടെ അഭിനന്ദനക്കത്തും എം ഡി ഔദ്യോഗികമായി അയച്ചിട്ടുണ്ട്.
Latest
ദുബൈയില്‍ കരാര്‍ മേഖലക്ക് പുതിയ നിയമം; നഗരവികസന, സാമ്പത്തിക വളര്‍ച്ചക്കായി വ്യക്തമായ ചട്ടക്കൂട് രൂപപ്പെടുത്തുക ലക്ഷ്യം
ഹൃദയാഘാതത്തെ തുടര്‍ന്ന് യുവാവ് റോഡില്‍ കുഴഞ്ഞുവീണു; യാദൃച്ഛികമായി എത്തിയ ഡോക്ടര്‍ രക്ഷകനായി
മണ്ണാര്‍ക്കാട് സി പി എം ഏരിയാ കമ്മിറ്റി ഓഫീസിനു നേരെ പടക്കമേറ്; സി പി എം പ്രവര്‍ത്തകന്‍ അറസ്റ്റില്‍
അല്‍ നഹ്ദയില്‍ മലയാളി യുവതിയും കുഞ്ഞും മരിച്ച സംഭവം: ഫോറന്‍സിക് റിപോര്‍ട്ട് പുറത്ത്
യോഗ്യതയില്ലാത്ത വിദേശ നിക്ഷേപകര്‍ക്ക് ക്രെഡിറ്റ് സൂയിസ് ബോണ്ടുകള്‍ വിറ്റു; എച്ച് ഡി എഫ് സി ബേങ്കിനെതിരെ ഇന്ത്യയില്‍ അന്വേഷണം
കീം: പുതുക്കിയ റാങ്ക് പട്ടികയ്‌ക്കെതിരെ കേരള സിലബസ് വിദ്യാര്‍ഥികള്‍ സുപ്രീം കോടതിയിലേക്ക്
