Kerala
പെസഹാ ദിവസം സ്ത്രീകളുടെ കാല്‍ കഴുകേണ്ടെന്ന കര്‍ദിനാളിന്റെ ഉത്തരവിനെതിരെ ഒരു വിഭാഗം വൈദികര്‍
കൊച്ചി: പെസഹാ ദിവസം സ്ത്രീകളുടെ കാല്‍കഴുകേണ്ടതില്ലെന്ന കര്‍ദിനാള്‍ മാര്‍ ജോര്‍ജ് ആലഞ്ചേരിയുടെ ഉത്തരവിനെതിരെ ഒരു വിഭാഗം വൈദികര്‍ രംഗത്ത്. ഭൂമി വിവാദത്തില്‍ പ്രതിരോധത്തിലായിരിക്കുമ്പോഴാണ് കര്‍ദിനാളിനെതിരെ വൈദികരുടെ പുതിയ നീക്കം. വരുന്ന വൈദിക സമിതി യോഗത്തില്‍ ഇക്കാര്യം ഉന്നയിക്കും. സഭയില്‍ സ്ത്രീക്കും പുരുഷനും തുല്യപ്രാധാന്യമാണെന്നാണ് ഇവരുടെ വാദം. കാനോന്‍ നിയമങ്ങളും ഇത് ഉറപ്പുനല്‍കുന്നുണ്ട്. അതിനാല്‍ പെസഹാ ദിവസം പുരുഷന്‍മാരുടെ കാലുകള്‍ മാത്രം കഴുകിയില്‍ മതിയെന്ന മാര്‍ ജോര്‍ജ് ആലഞ്ചേരിയുടെ ഉത്തരവ് സഭക്ക് വിരുദ്ധമാണെന്ന് ഇവര്‍ ചൂണ്ടിക്കാണിക്കുന്നു.
സ്ത്രീകളുടെ കാല്‍ കഴുകേണ്ടെന്ന കര്‍ദിനാളിന്റെ ഉത്തരവിന് സിനഡ് നല്‍കിയ പിന്തുണ ചോദ്യം ചെയ്യാനാണ് വൈദികരുടെ നീക്കം. അടുത്ത സമിതി യോഗങ്ങളില്‍ തന്നെ ഇക്കാര്യം അജന്‍ഡയില്‍ ഉള്‍പ്പെടുത്തി അവതരിപ്പിക്കും. 2017ലാണ് ആലഞ്ചേരിയുടെ ഉത്തരവ് വന്നത്. യേശു 12 പുരുഷന്‍മാരുടെ കാലുകളാണ് കഴുകിയതെന്നും അതിന്റെ പ്രതീകമായിട്ടാണ് കാല്‍ കഴുകല്‍ ശുശ്രൂഷയെന്നുമാണ് വിശദീകരണം. എന്നാല്‍ കാല്‍കഴുകലിലൂടെ ഉദ്ദേശിക്കുന്നത് ഇടയന്‍ ഭൃത്യനായി മാറുന്ന മഹത്തായ സന്ദേശമാണെന്നും അതിന് സ്ത്രീ പുരുഷ വ്യത്യാസമില്ലെന്നും വൈദികര്‍ പറയുന്നു.
Latest
വിദ്യാര്‍ഥിനിയെ ലൈംഗികമായി പീഡിപ്പിച്ച ശേഷം ഒളിവില്‍ പോയ ട്യൂഷന്‍ മാസ്റ്റര്‍ 25 വര്‍ഷത്തിനു ശേഷം പിടിയില്‍
ബിഹാറില്‍ ആദ്യ ഘട്ട വോട്ടെടുപ്പ് പുരോഗമിക്കുന്നു; മഹാസഖ്യത്തിന്റെ മുഖ്യമന്ത്രി സ്ഥാനാര്‍ത്ഥി തേജസ്വി യാദവും കുടുംബവും വോട്ട് രേഖപ്പെടുത്തി
ജ്യൂസാണെന്ന് കരുതി കന്നുകാലികള്‍ക്ക് കുളമ്പ് രോഗത്തിന് കൊടുക്കുന്ന മരുന്ന് കഴിച്ച് സഹോദരങ്ങള്‍; ആശുപത്രിയില്‍, അപകടനില തരണം ചെയ്തു
തിരുവനന്തപുരം മെഡിക്കല്‍ കോളേജ് ആശുപത്രിയില്‍ ചികിത്സ ലഭിക്കുന്നില്ലെന്ന് ശബ്ദസന്ദേശം അയച്ച രോഗി മരിച്ചു
വെല്‍ഫെയര്‍ പാര്‍ട്ടിയുമായി പരസ്യ സഖ്യം പാടില്ലെന്ന് കോണ്‍ഗ്രസ് ലീഗിനെ അറിയിച്ചു
വോട്ടുകൊള്ള: രാഹുല്‍ പുറത്തുവിട്ട ബ്രസീലിയന്‍ മോഡല്‍ ലാരിസ്സ പ്രതികരണവുമായി രംഗത്ത്
