Kerala
സഫീര് വധം: അഞ്ച് പേര് പിടിയില്
പാലക്കാട്: മണ്ണാര്ക്കാട് ലീഗ് പ്രവര്ത്തകന് സഫീറിന്റെ കൊലപാതകവുമായി ബന്ധപ്പെട്ട് അഞ്ച് പേര് പിടിയില്. ഇവരുടെ പേര് വിവരങ്ങള് പുറത്തുവിട്ടിട്ടില്ല. കുന്തിപ്പുഴ നമ്പിയന് കുന്ന് സ്വദേശികളായ ഇവര് സിപിഐ അനുഭാവികളാണ്. രാഷ്ട്രീയ കൊലപാതകമല്ല നടന്നതെന്നും വ്യക്തിവൈരാഗ്യമാണ് കൊലക്ക് കാരണമെന്നും പോലീസ് പറയുന്നു.
അതേസമയം, സംഭവത്തില് പ്രതിഷേധിച്ച് മണ്ണാര്ക്കാട് നിയോജകമണ്ഡലത്തില് ആഹ്വാനം ചെയ്ത ഹര്ത്താല് തുടരുകയാണ്. രാവിലെ ആറ് മുതല് വൈകീട്ട് ആറ് വരെയാണ് ഹര്ത്താല്.
ഇന്നലെ രാത്രി 9.30ഓടെയാണ് സംഭവം. മണ്ണാര്ക്കാട് മുനിസിപ്പാലിറ്റി കൗണ്സിലര് വറോടന് വീട്ടില് സിറാജുദ്ദീന്റെ മകന് സഫീര് (20) ആണ് കുത്തേറ്റ് മരിച്ചത്. കോടതിപ്പടിയിലുള്ള സ്വന്തം തുണിക്കടയില് നില്ക്കുന്നതിനിടെ ഒരു സംഘം ആളുകള് വന്ന് കുത്തുകയായിരുന്നു. ആശുപത്രിയിലേക്ക് കൊണ്ടുപോകും വഴി മരിച്ചു.