National
ശശികല ജയിലില്‍ കന്നഡ പഠിക്കുന്നു
ബെംഗളൂരു: അനധികൃത സ്വത്ത് സമ്പാദന കേസില്‍ ശിക്ഷിക്കപ്പെട്ട് ബെംഗളൂരുവിലെ പരപ്പന അഗ്രഹാര ജയിലില്‍ കഴിയുന്ന അണ്ണാ ഡി എം കെ മുന്‍ ജനറല്‍ സെക്രട്ടറി വി കെ ശശികല കന്നഡ ഭാഷ പഠിക്കുന്നു. സെന്‍ട്രല്‍ ജയിലിലെ തടവുകാര്‍ക്ക് വേണ്ടിയുള്ള വിദൂര വിദ്യാഭ്യാസ കോഴ്‌സുകള്‍ പ്രയോജനപ്പെടുത്തിയാണ് കമ്പ്യൂട്ടര്‍ പഠനം. പ്രത്യേക പദ്ധതിയുടെ ഭാഗമായാണ് ശശികല കന്നഡ പഠിക്കുന്നത്. കൂട്ടുപ്രതിയും ബന്ധുവുമായ ജെ ഇളവരശിയും ശശികലയുടെ സഹപാഠിയായുണ്ട്.
ജയിലിലെ സാക്ഷരതാ ക്ലാസില്‍ ചേര്‍ന്നാണ് കന്നഡ പഠിക്കുന്നത്. ഇതിനകം എഴുതാനും വായിക്കാനും പഠിച്ചതായാണ് ജയില്‍ അധികൃതര്‍ നല്‍കുന്ന വിവരം. കന്നഡ പഠിക്കുന്നതോടൊപ്പം കമ്പ്യൂട്ടര്‍ സയന്‍സ് കോഴ്‌സിനും ശശികല ചേര്‍ന്നിട്ടുണ്ട്. ജയലളിതയുടെ ഒന്നാം ചരമ വാര്‍ഷികം മുതല്‍ ശശികല ജയിലില്‍ മൗന വ്രതത്തിലാണ്. ഉപതിരഞ്ഞെടുപ്പ് വിജയത്തിന് ശേഷം ജയിലിലെത്തിയ ടി ടി വി ദിനകരനോടും ശശികല ഒന്നും സംസാരിച്ചില്ല. പഠനത്തിന്റെ ഭാഗമായി ഒന്നും സംസാരിക്കുന്നില്ലെന്നാണ് ജയിലുദ്യോഗസ്ഥര്‍ പറയുന്നത്.
Latest
സംസ്ഥാനത്ത് ഇത്തവണയും ബിജെപി അക്കൗണ്ട് തുറക്കില്ല ;എംഎ ബേബി
കാലിഫോര്‍ണിയയില്‍ ഇലക്ട്രിക് കാര്‍ മറിഞ്ഞ് തീപിടിച്ചു; നാലംഗ മലയാളി കുടുംബം മരിച്ചു
മലയിന്‍കീഴ് വോട്ടിങ് ബൂത്തില്‍ അരലക്ഷം രൂപ ഉപേക്ഷിച്ച നിലയില്‍
ഇന്ത്യ അടുത്തൊന്നും രക്ഷപ്പെടുന്ന ലക്ഷണമില്ല; ഏത് പാര്‍ട്ടി ജയിച്ചാലും നമുക്കെതിരാകും: ശ്രീനിവാസന്‍
വോട്ട് ചെയ്യാനെത്തിയ സ്ത്രീ തെരുവ് നായയുടെ കടിയേറ്റ് ആശുപത്രിയില്‍
ദുബൈയില്‍ വാഹനാപകടത്തില്‍ തൊടുപുഴ സ്വദേശി മരിച്ചു
