Kerala
ഹാദിയ കേസ്: കോടതി വിധി സ്വാഗതാര്‍ഹമെന്ന് വനിതാ കമ്മീഷന്‍
തിരുവനന്തപുരം: ഹാദിയ കേസില്‍ സുപ്രീം കോടതി വിധി സ്വാഗതാര്‍ഹമെന്ന് വനിതാ കമ്മീഷന്‍ ചെയര്‍പേഴ്‌സണ്‍ എം സി ജോസഫൈന്‍. വനിതാ കമ്മീഷന്റെ ഇടപെടല്‍ ഫലം കണ്ടു. വിധിയില്‍ സന്തോഷമുണ്ട്. ഹാദിയക്ക് പറയാനുള്ളത് കോടതി കേള്‍ക്കണം എന്നാണ് വനിതാ കമ്മീഷന്‍ ആവശ്യപ്പെട്ടിരുന്നത്. അത് സാധ്യമായിരിക്കുകയാണ്. വിഷയത്തില്‍ വനിതാ കമ്മീഷന്‍ ഒന്നും ചെയ്തില്ലെന്ന വിമര്‍ശമുയര്‍ന്നിരുന്നു. എന്നാല്‍, ഇടപെടുന്ന കാര്യങ്ങള്‍ അപ്പപ്പോള്‍ പറയുന്നതില്‍ പരിമിതിയുണ്ട്. വനിതാ കമ്മീഷന്‍ ഡയറക്ടര്‍ ഹാദിയയെ കണ്ട് റിപ്പോര്‍ട്ട് തയ്യാറാക്കി കോടതിയില്‍ സമര്‍പ്പിച്ചിരുന്നു. ഇതിന്റെ കൂടി അടിസ്ഥാനത്തിലാണ് വിധി വന്നത്. ഇനി ഹാദിയക്ക് മേല്‍ കൂടുതല്‍ സമ്മര്‍ദം ഉണ്ടാകാനിടയുണ്ട്. അത്തരം സമ്മര്‍ദങ്ങളുണ്ടാതിരിക്കാനും ഹാദിയയുടെ അവകാശങ്ങള്‍ സംരക്ഷിക്കാനും വനിതാ കമ്മീഷന്‍ ശക്തമായി ഇടപെടുമെന്നും ജോസഫൈന്‍ കൂട്ടിച്ചേര്‍ത്തു.
ഹാദിയയെ നവംബര്‍ 27ന് മൂന്ന് മണിക്ക് മുമ്പ് കോടതിയില്‍ നേരിട്ട് ഹാജരാക്കണമെന്ന് സുപ്രീം കോടതി നിര്‍ദേശിച്ചിരുന്നു. അടച്ചിട്ട കോടതിയില്‍ വാദം കേള്‍ക്കണമെന്ന ഹാദിയയുടെ പിതാവിന്റെ ആവശ്യവും കോടതി തള്ളി. ഹാദിയയുടെ നിലപാട് അറിഞ്ഞ ശേഷം പിതാവിന്റെയും എന്‍ഐഎയുടേയും വാദം കേള്‍ക്കുമെന്നും ഇതിന് ശേഷം അന്തിമ തീരുമാനമെടുക്കുമെന്നും സുപ്രീം കോടതി വ്യക്തമാക്കിയിരുന്നു.
Latest
ദുബൈയില്‍ കരാര്‍ മേഖലക്ക് പുതിയ നിയമം; നഗരവികസന, സാമ്പത്തിക വളര്‍ച്ചക്കായി വ്യക്തമായ ചട്ടക്കൂട് രൂപപ്പെടുത്തുക ലക്ഷ്യം
ഹൃദയാഘാതത്തെ തുടര്‍ന്ന് യുവാവ് റോഡില്‍ കുഴഞ്ഞുവീണു; യാദൃച്ഛികമായി എത്തിയ ഡോക്ടര്‍ രക്ഷകനായി
മണ്ണാര്‍ക്കാട് സി പി എം ഏരിയാ കമ്മിറ്റി ഓഫീസിനു നേരെ പടക്കമേറ്; സി പി എം പ്രവര്‍ത്തകന്‍ അറസ്റ്റില്‍
അല്‍ നഹ്ദയില്‍ മലയാളി യുവതിയും കുഞ്ഞും മരിച്ച സംഭവം: ഫോറന്‍സിക് റിപോര്‍ട്ട് പുറത്ത്
യോഗ്യതയില്ലാത്ത വിദേശ നിക്ഷേപകര്‍ക്ക് ക്രെഡിറ്റ് സൂയിസ് ബോണ്ടുകള്‍ വിറ്റു; എച്ച് ഡി എഫ് സി ബേങ്കിനെതിരെ ഇന്ത്യയില്‍ അന്വേഷണം
കീം: പുതുക്കിയ റാങ്ക് പട്ടികയ്‌ക്കെതിരെ കേരള സിലബസ് വിദ്യാര്‍ഥികള്‍ സുപ്രീം കോടതിയിലേക്ക്
